Пошук

Мітрапаліт Веніямін узначаліў Бажэственную літургію Ранейасвячоных Дароў у храме свяціцеля Мікалая Цудатворца горада Лагойска з прыдзелам у гонар прападобнага Сімяона Новага Багаслова

25 сакавіка 2021

25 сакавіка 2021 года, у чацвер другога тыдня Вялікага посту, дзень памяці прападобнага Сімяона Новага Багаслова, мітрапаліт Мінскі і Заслаўскі Веніямін, Патрыяршы Экзарх усяе Беларусі, кіраўнік Барысаўскай епархіі, узначаліў Бажэственную літургію Ранейасвячоных Дароў у храме свяціцеля Мікалая Цудатворца горада Лагойска. Адзін з прыдзелаў храма (знаходзіцца ў паўночным, левым ад галоўнага прыдзела, баку храма) асвячоны ў гонар прападобнага Сімеона Новага Багаслова.

За Літургіяй прадстаяцелю Беларускай Праваслаўнай Царквы саслужылі: сакратар Барысаўскай епархіі, благачынны 2-й Барысаўскай царкоўнай акругі, настаяцель храма святога дабравернага князя Дзімітрыя Данскога протаіерэй Сергій Башкіраў; духаўнік Барысаўскай епархіі, настаяцель храма Успення Прасвятой Багародзіцы вёскі Беларучы Лагойскага раёна протаіерэй Вячаслаў Юхновіч; благачынны 1-й Лагойскай царкоўнай акругі протаіерэй Аляксандр Зімніцкі; настаяцель храма свяціцеля Мікалая Цудатворца горада Лагойска протаіерэй Уладзімір Шэйдак; святары лагойскіх благачынняў.

Дыяконскі чын здзейсніў клірык кафедральнага сабора Уваскрасення Хрыстовага горада Барысава дыякан Уладзімір Букштуновіч.

Песнапенні Літургіі выканаў парафіяльны хор пад кіраўніцтвам рэгента Наталлі Півень.

Падчас набажэнства былі ўзнесены асабліва малітоўныя прашэнні аб дараванні міру беларускаму народу і аб спыненні распаўсюджвання шкоднаснага паветрыя.

Па заканчэнні богаслужэння быў здзейснены малебны спеў прападобнаму Сімяону Новаму Багаслову, пасля чаго Патрыяршы Экзарх звярнуўся да прыхаджан і духавенства са словам павучання.

У сваім слове ўладыка адзначыў, што ў дзень памяці прападобнага Сімяона Новага Багаслова ў 1979 годзе нядаўна спачылы ганаровы настаяцель Мікольскага храма мітрафорны протаіерэй Уладзімір Зімніцкі быў рукапаложаны ў свяшчэнны сан, і падкрэсліў, што спачылы святар вельмі любіў здзяйсняць богаслужэнне ў гэты дзень.

У завяршэнне мітрапаліт Веніямін павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне.

Барысаўская епархія / Church.by

Фотарэпартаж