Пошук

Моладзь Усіхсвяцкага прыхода Мінска пакланілася святыняў Гродна

02 сакавіка 2020

У апошні дзень зімы моладзевы рух «AGIOS» і дзіцяча-юнацкая капэла «Адраджэнне» Усіхсвяцкай парафіі горада Мінска здзейснілі паломніцкую паездку ў Гродна.

Прыбыўшы ў абласны цэнтр, паломнікі перш за ўсё ўзнеслі малітвы за Літургіяй у Пакроўскім кафедральным саборы. Пасля выканання літургічных спеваў моладзь адправілася ў Барысаглебскую (Каложскую) царкву XII стагоддзя — адзін з самых старажытных храмаў Беларусі, які захаваўся, дзе сардэчны прыём гасцям аказаў настаяцель протаіерэй Аляксандр Балоннікаў. Каложская царква размешчана недалёка ад Старога замка, які шмат стагоддзяў таму быў рэзідэнцыяй вялікага князя Вітаўта.

Далей адбылася аглядная экскурсія па гістарычных і культурных мясцінах Гродна.

Адной з галоўных мэт паломніцтва стала наведванне стаўрапігіяльнага жаночага манастыра Нараджэння Багародзіцы, дзе па благаславенню ігуменні Гаўрыілы (Глухавай) быў арганізаваны цёплы прыём і экскурсія спецыяльна для моладзі Усіхсвяцкага прыхода. У рабят была ўнікальная магчымасць памаліцца ля цудатворнага абраза Божай Маці «Уладзімірскі-Міратачывы». У абіцелі захоўваюцца і іншыя святыні: старажытны крыж з часціцай Жыватворчага Дрэва Крыжа Гасподняга,
копіі цудатворных ікон Божай Маці са Святой Гары Афон: «Усецарыца», «Радасць і Суцяшэнне», «Алтарніца», «Алеетачывая».

Увечары па благаславенню архіепіскапа Гродзенскага і Ваўкавыскага Арцемія ў саборным доме кафедральнага сабора быў дадзены прыём у гонар гасцей, пасля чаго адбыўся творчы вечар, падрыхтаваны Сафійскім моладзевым Брацтвам пры кафедральным саборы.

Настаяцель сабора протаіерэй Георгій Рой падзяліўся думкамі аб місіі праваслаўнай моладзі ў сучасным свеце і сардэчна падзякаваў мінчан за наведванне Гродзенскай епархіі.

Кіраўнік моладзевага руху «AGIOS» Мікалай Камарчук перадаў айцу Георгію прывітанне ад настаяцеля Усіхсвяцкага прыхода протаіерэя Фёдара Поўнага, падзякаваў прымаючаму боку за арганізацыю прыёму, распавёў аб дзейнасці і структуры моладзевага руху «AGIOS», а таксама ў цэлым аб моладзі ў жыцці Усіхсвяцкага прыхода.

Дарэчы, у Гродне паломнікі змаглі не толькі пакланіцца святыням і пагутарыць з аднадумцамі, але і адпачыць. Моладзь паспела схадзіць на гарадскі каток, дзе атрымала масу станоўчых эмоцый.

Hramvs.by / Church.by