Моладзевы хор Гродзенскага манастыра зладзіў канцэрт жывой музыкі для мітрапаліта Філарэта
02 снежня 2019
У першы дзень зімы 2019 года ігумення Гродзенскага жаночага стаўрапігіяльнага манастыра Наражэння Багародзіцы Гаўрыіла (Глухава) разам з моладзевым хорам абіцелі наведала мітрапаліта Філарэта, Ганаровага Патрыяршага Экзарха ўсяе Беларусі, які знаходзіцца на адпачынку ў санаторыі.
Былі выкананы любімыя музычныя творы ўладыкі на віяланчэлі і скрыпцы. У выкананні хору прагучалі спевы, якія нагадвалі пра надыходзячае свята Ражджаства Хрыстова.
Мітрапаліт Філарэт сам асабіста дырыжыраваў некаторымі музычнымі творамі і падаў усім свяціцельскае благаславенне, а таксама ўручыў салодкія падарункі.
Гродзенская абіцель жадае дарагому авве-старцу, Высокапраасвяшчэннейшаму мітрапаліту Філарэту, добрага здароўя і многіх гадоў!
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
