Пошук

На Гомельшчыне праходзіць конкурс сацыяльных ролікаў «Мой маральны выбар і будучыня»

10 сакавіка 2018

У Гомельскай вобласці стартаваў абласны конкурс сацыяльных ролікаў «Мой маральны выбар і будучыня» для навучэнцаў устаноў агульнай сярэдняй, прафесійна-тэхнічнай, сярэдняй спецыяльнай адукацыі, які будзе доўжыцца да 1 кастрычніка 2018 года.

Мэтай конкурсу з'яўляецца фарміраванне ў падрастаючага пакалення актыўнай жыццёвай пазіцыі, якая сцвярджае агульначалавечыя і хрысціянскія каштоўнасці, з дапамогай стварэння сацыяльных відэаролікаў.

Удзельнікам неабходна будзе стварыць сацыяльны ролік па адной з чатырох намінацый: «Мая сям'я — маё багацце», «Дарогай добрых спраў», «Бацька — Бацькоўства — Бацькаўшчына» і «Я выбіраю!»

Конкурс праводзіцца ў адпаведнасці з праграмай супрацоўніцтва паміж упраўленнем адукацыі Гомельскага абласнога выканаўчага камітэта і Гомельскай, Тураўскай епархіямі Беларускай Праваслаўнай Царквы на 2015-2020 гады, у мэтах выканання рэзалюцыі III абласных Пакроўскіх адукацыйных чытанняў «Маральныя каштоўнасці і будучыня чалавецтва».

Гомельская епархія / Church.by