Патрыяршы Экзарх здзейсніў чын вялікага асвячэння храма ў гонар свяціцеля Феадосія Чарнігаўскага вёскі Пятрышкі

16 верасня 2017

top.jpg

16 верасня 2017 года, у суботу сядміцы 15-й пасля Пяцідзесятніцы, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў чын вялікага асвячэння храма ў гонар свяціцеля Феадосія Чарнігаўскага вёскі Пятрышкі Мінскага раёна і Бажэственную літургію.

Яго Высокапраасвяшчэнству саслужылі: благачынны 2-й Мінскай раённай акругі, настаяцель прыхода храма Праабражэння Гасподняга горада Заслаўя Мінскага раёна протаіерэй Мікалай Мазгоў; сакратар Мінскай епархіі протаіерэй Андрэй Волкаў; настаяцель храма протаіерэй Георгій Раманоўскі; клірыкі 2-га Мінскага раённага благачыння і духавенства храма.

За богаслужэннем прысутнічаў і маліўся намеснік старшыні Мінскага раённага выканаўчага камітэта Аляксандр Пятровіч Мякіннік.

Літургічныя спевы выканаў хор храма пад кіраваннем Аляксандра Скалабана.

Падчас малога ўваходу мітрапаліт Павел, зважаючы на руплівую працу ў славу Святой Царквы Хрыстовай і ў сувязі з заканчэннем будаўніцтва і асвячэннем храма свяціцеля Феадосія Чарнігаўскага ў вёсцы Пятрышкі Мінскага раёна, узвёў іерэя Георгія Раманоўскага ў сан протаіерэя.

Пропаведзь перад Прычасцем прамовіў протаіерэй Павел Ківовіч.

Па заканчэнні богаслужэння Патрыяршы Экзарх павіншаваў прыхаджан і духавенства храма са святам і звярнуўся да ўсіх са словам павучання.

Пасля гэтага ўладыка Павел уручыў граматы і падзякі Патрыяршага Экзарха дабрачынцам і працаўнікам, якія спрыялі справе будаўніцтва храма.

Пасля гэтага з прывітальным словам да мітрапаліта Паўла звярнуўся намеснік старшыні Мінскага раённага выканаўчага камітэта Аляксандр Пятровіч Мякіннік.

Патрыяршы Экзарх падзякаваў Аляксандру Пятровічу за цёплыя словы, павіншаваў прычаснікаў з прыняццем Святых Хрыстовых Тайн, падаў усім архіпастырскае благаславенне і на малітоўную памяць раздаў вернікам абразкі свяціцеля Феадосія Чарнігаўскага.

Church.by

Фотарэпартаж