Пошук

Патрыяршы Экзарх здзейсніў Літургію ў храме ў гонар іконы Божай Маці «Знойдзенне загінуўшых» у горадзе Мінску

18 лютага 2020

18 лютага 2020 года мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў храме ў гонар іконы Божай Маці «Знойдзенне загінуўшых» у горадзе Мінску.

Яго Высокапраасвяшчэнству саслужылі: благачынны 1-й Мінскай гарадской акругі, настаяцель Петрапаўлаўскага сабора горада Мінска протаіерэй Георгій Латушка; настаяцель прыхода храма ў гонар іконы Божай Маці «Знойдзенне загінуўшых» протаіерэй Павел Латушка; настаяцель прыхода храма іконы Божай Маці «Млекакарміцелька» ў вёсцы Раўбічы Мінскага раёна протаіерэй Андрэй Кузьма і клірыкі храма.

Богаслужэбныя спевы выканаў хор пад кіраваннем Ларысы Кежанавай.

Пропаведзь пасля запрычаснага сціха прамовіў клірык храма іерэй Сергій Янкоўскі.

Пасля заамвоннай малітвы Патрыяршы Экзарх і саслужачыя святары здзейснілі слаўленне свята Стрэчання Гасподняга і абраза Божай Маці «Знойдзенне загінуўшых».

Пасля адпуста Бажэственнай літургіі са словамі прывітання да Патрыяршага Экзарха звярнуўся настаяцель храма протаіерэй Павел Латушка. Ён павіншаваў Патрыяршага Экзарха са святам Стрэчання Гасподняга і падзякаваў за сумесную малітву ў дзень тытульнага свята парафіі.

Уладыка Павел падзякаваў айцу настаяцелю за словы прывітання, павіншаваў усіх прысутных з прастольным святам і звярнуўся да багамольцаў са словам настаўлення. Мітрапаліт Павел пажадаў усім прысутным невычарапальнай благадатнай дапамогі і малітоўнага заступніцтва Найсвяцейшай Багародзіцы.

Уладыка мітрапаліт павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне.

Усім, хто маліўся ў храме, Патрыяршы Экзарх уручыў абразкі з выявай крыжа святой прападобнай Еўфрасінні Полацкай.

Church.by

Фотарэпартаж