Пошук

Патрыяршы Экзарх здзейсніў малебен перад пачаткам XXVIII навукова-асветніцкай экспедыцыі «Дарога да святыняў»

01 верасня 2021

1 верасня 2021 года, у дзень памяці мучаніка Андрэя Страцілата, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў малебен перад пачаткам навукова-асветніцкай экспедыцыі «Дарога да святыняў».

Яго Высокапраасвяшчэнству саслужылі: галоўны захавальнік Благадатнага агню ад Гроба Гасподняга ў экспедыцыі настаяцель храма свяціцеля Мікалая Цудатворца ў вёсцы Вялікая Ухалода Барысаўскай епархіі протаіерэй Аляксандр Пачопка; намеснік старшыні Сінадальнага аддзела рэлігійнай адукацыі і катэхізацыі клірык парафіі храма свяшчэннамучаніка Уладзіміра Хіраскі горада Мінска іерэй Сцяфан Варапай; духаўнік навукова-асветніцкай экспедыцыі «Дарога да святыняў» клірык прыхода храма святога апостала Андрэя Першазванага горада Мінска іерэй Кірыл Гардун.

Дыяканскі чын узначаліў протадыякан Уладзімір Назараў.

За богаслужэннем маліўся Упаўнаважаны па справах рэлігій і нацыянальнасцяў Рэспублікі Беларусь Румак Аляксандр Аляксеевіч.

Богаслужэбныя спевы выканаў архіерэйскі хор кафедральнага сабора пад кіраўніцтвам рэгента Кацярыны Сергеевіч.

Пасля малебнага спеву Патрыяршы Экзарх звярнуўся са словам на дарогу да ўдзельнікаў навукова-асветніцкай экспедыцыі.

Далей з прывітальным словам звярнуўся Упаўнаважаны па справах рэлігій і нацыянальнасцяў Рэспублікі Беларусь Аляксандр Аляксеевіч Румак.

У завяршэнне малебна ўладыка Экзарх акрапіў усіх людзей, якія маліліся, святой вадой.

Затым паломнікі адправіліся ў шлях з Загор'е-Сталовіцкім абразом Пакрова Прасвятой Багародзіцы і нязгаснай лампадай, у якой гарыць Благадатны агонь ад Гроба Гасподняга.

* * *

Агульная працягласць маршруту, які пройдзе да сталіцы Дня беларускага пісьменства 2021 года — горада Капыля праз Баранавіцкі, Ганцавіцкі, Лунінецкі, Салігорскі і Уздзенскі раёны, складзе 780 км.

У шляху руху ўдзельнікі экспедыцыі — святары Беларускай Праваслаўнай Царквы, вядомыя дзеячы навукі, культуры і мастацтва наведаюць храмы, навучальныя ўстановы, дзіцячыя дамы, школы-інтэрнаты, дамы састарэлых, бібліятэкі і музеі, дзе правядуць духоўна-асветніцкія, метадычныя, літаратурныя і музычныя сустрэчы.

Добрай традыцыяй «Дарогі да святыняў» стане пасадка дрэў у месцах наведвання з сімвалічнай назвай — Сад Малітвы, — які павінен стаць памяццю пра падзею.

Завяршыцца экспедыцыя 5 верасня ў сталіцы Дня беларускага пісьменства — Капылі святочным набажэнствам у храме Узнясення Гасподняга, дзе ўсе жадаючыя змогуць запаліць свечкі ад нязгаснай лампады з Благадатным агнём ад Гроба Гасподняга.

Сhurch.by

Фотарэпартаж