Патрыяршы Экзарх узначаліў Літургію ў Нікольскім кафедральным саборы Бабруйска
04 кастрычніка 2020
4 кастрычніка 2020 года мітрапаліт Мінскі і Заслаўскі Веніямін, Патрыяршы Экзарх усяе Беларусі, упершыню ў якасці Прадстаяцеля Беларускай Праваслаўнай Царквы з афіцыйным візітам наведаў Бабруйскую епархію.
Раніцай мітрапаліт Веніямін здзейсніў Бажэственную літургію ў Нікольскім кафедральным саборы. Яго Высокапраасвяшчэнству саслужыў епіскап Бабруйскі і Быхаўскі Серафім.
У богаслужэнні прынялі ўдзел клірыкі Мінскай і Бабруйскай епархій.
На Бажэственнай літургіі прысутнічалі: Надзвычайны і Паўнамоцны Пасол Рэспублікі Малдова ў Рэспубліцы Беларусь Віктар Сарачан, старшыня Бабруйскага гарадскога выканаўчага камітэта Аляксандр Студнеў, дэпутат Палаты прадстаўнікоў Нацыянальнага сходу Рэспублікі Беларусь Уладзімір Гацко, члены апякунскага савета Бабруйскай епархіі і іншыя госці.
Богаслужэбныя спевы выканаў хор «Усіхсвяцкі» пад кіраўніцтвам Дзмітрыя Такмакова.
Падчас Літургіі былі ўзнесены асаблівыя малітоўныя прашэнні аб дараванні міру беларускаму народу і аб спыненні распаўсюджвання шкоднай павевы.
У завяршэнне богаслужэння епіскап Бабруйскі і Быхаўскі Серафім падзякаваў мітрапаліту Веніяміну за наведванне Бабруйскай епархіі.
Уладыка Экзарх звярнуўся да вернікаў са словамі пропаведзі і падаў усім прысутным архіпастырскае благаславенне.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
