Патрыяршы Экзарх узначаліў справаздачна-выбарны сход Брацтва Віленскіх мучанікаў
05 лістапада 2019
5 лістапада 2019 года ў прыходскім доме Петра-Паўлаўскага сабора горада Мінска пад старшынствам мітрапаліта Мінскага і Заслаўскага Паўла, Патрыяршага Экзарха ўсяе Беларусі, адбыўся справаздачна-выбарны сход Брацтва ў гонар Віленскіх мучанікаў Антонія, Іаана і Яўстафія.
Удзел у сходзе прынялі: настаяцель Петра-Паўлаўскага сабора протаіерэй Георгій Латушка, сакратар Мінскай епархіі протаіерэй Андрэй Волкаў і члены Брацтва.
У ходзе мерапрыемства быў абраны новы старшыня Брацтва — клірык Петра-Паўлаўскага сабора протаіерэй Аляксандр Ледаховіч. Адбылося таксама абранне духаўнікоў Брацтва. Былі абмеркаваны актуальныя пытанні жыцця брацтва і перспектывы яго развіцця.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
