Пошук

Патрыяршы Экзарх узначаліў прастольную ўрачыстасць у Касма-Даміянаўскім храме Сафійскага манастыра ў Слуцку

14 ліпеня 2021

14 ліпеня 2021 года, у дзень памяці бяссрэбранікаў Касмы і Даміяна, у Рыме пакутаваўшых, мітрапаліт Мінскі і Заслаўскі Веніямін, Патрыяршы Экзарх усяе Беларусі, кіраўнік Слуцкай епархіі, здзейсніў Бажэственную літургію ў храме бяссрэбранікаў Касмы і Даміяна Рымскіх жаночага манастыра праведнай Сафіі, княгіні Слуцкай, у горадзе Слуцку.

Яго Высокапраасвяшчэнству саслужылі: сакратар Слуцкага епархіяльнага ўпраўлення, настаяцель прыхода храма Пакрова Прасвятой Багародзіцы ў вёсцы Чыжэвічы Салігорскага раёна протаіерэй Мікалай Лабынько; благачынны Слуцкай царкоўнай акругі, ключнік кафедральнага сабора Архангела Міхаіла ў горадзе Слуцку протаіерэй Ігар Штэпа; клірык Сафійскага жаночага манастыра ў горадзе Слуцку іерэй Анатоль Сыцько; настаяцель прыхода храма прападобнай Еўфрасінні Полацкай у аграгарадку Сосны Любанскага раёна іерэй Аляксандр Дзярачыц.

Дыяканскі чын узначаліў протадыякан Ігар Мартыс.

Богаслужэбныя спевы выканаў хор пад кіраўніцтвам Надзеі Коржыч.

У храме маліліся настаяцельніца Сафійскай абіцелі ігумення Анастасія (Коржыч), сёстры міласэрнасці з манастырскага сястрыцтва, прыхаджане.

За Літургіяй Патрыяршы Экзарх здзейсніў свяшчэнніцкую хіратонію дыякана Мікалая Дзярачыца.

Падчас богаслужэння былі ўзнесены малітвы аб дараванні міру беларускаму народу і збаўленні ад пагібельнай пошасці.

Архіпастыр даў наказ іерэю Мікалаю Дзярачыцу на далейшае служэнне Царкве Хрыстовай, пажадаўшы благадатнай дапамогі Божай і ўмацавання сіл.

Ігумення Анастасія падзякавала мітрапаліту Веніяміну за візіт у Сафійскую абіцель і паднесла святую прасфору.

Прадстаяцель Беларускай Праваслаўнай Царквы здзейсніў памінальную ліцію ля месца пахавання протаіерэя Мікалая Паўлавіча Коржыча (1943 — 2011). У свой час айцец Мікалай служыў у Слуцку настаяцелем храма бяссрэбранікаў Касмы і Даміяна. Прыход быў ператвораны ў жаночы манастыр ужо пасьля спачыну протаіерэя Мікалая да Госпада.

Адбыўся хрэсны ход, у завяршэнне якога мітрапаліт Веніямін павіншаваў усіх з прастольным святам храма і прамовіў пропаведзь, у якой пажадаў вернікам трымацца прыкладу святых угоднікаў Божых на шляху ўзрастання ў пабожнасці і хрысціянскай любові.

Слуцкая епархія/Church.by