Патрыяршы Экзарх узначаліў прастольнае свята Аляксандра-Неўскага храма горада Мінска
12 верасня 2022
12 верасня 2022 года, у дзень памяці перанясення мошчаў дабравернага вялікага князя Аляксандра Неўскага, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў Аляксандра-Неўскім храме горада Мінска.
Яго Высокапраасвяшчэнству саслужылі: благачынны 3-й Мінскай гарадской акругі, настаяцель Аляксандра-Неўскага храма протаіерэй Мікалай Коржыч; сакратар Мінскай епархіі протаіерэй Андрэй Волкаў і духавенства прыхода.
Дыяканскі чын узначаліў протадыякан Уладзімір Назараў.
Богаслужэбныя спевы выканаў парафіяльны хор пад кіраўніцтвам Сяргея Смольскага.
Пасля патроенай екценні Патрыяршы Экзарх узнёс малітву аб аднаўленні міру.
Пропаведзь перад Прычасцем прамовіў клірык храма протаіерэй Павел Баянкоў.
Пасля адпуста Бажэственнай літургіі мітрапаліт Веніямін і саслужачыя святары здзейснілі малебны спеў з хрэсным ходам, падчас якога было здзейснена асвячэнне царкоўнай крамы.
Затым Патрыяршы Экзарх павіншаваў духавенства і прыхаджан храма з прастольным святам і звярнуўся да прысутных з архіпастырскім словам.
Далей з прывітальным словам да мітрапаліта Веніяміна звярнуўся настаяцель храма протаіерэй Мікалай Коржыч, які павіншаваў архіпастыра са святам і падзякаваў яму за сумесную малітву. У дар уладыку было паднесена ілюстраванае выданне кніг, прысвечаных свяшчэннамучаніку патрыярху Ермагену.
У завяршэнне Патрыяршы Экзарх павіншаваў усіх прычаснікаў з прыняццем Святых Хрыстовых Тайн і падаў усім архіпастырскае благаславенне.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
