Патрыяршы Экзарх усяе Беларусі ўзначаліў пасяджэнне камісіі па царкоўнай асвеце і дыяканіі Міжсаборнай прысутнасці
28 сакавіка 2019
28 сакавіка 2019 года ў гісторыка-культурным асветніцкім цэнтры «Адкрыццё» пры храме святых бяссрэбранікаў і цудатворцаў Касмы і Даміяна на Марасейцы (Масква) адбылося чарговае пасяджэнне камісіі па царкоўнай асвеце і дыяканіі Міжсаборнай прысутнасці Рускай Праваслаўнай Царквы.
Узначаліў пасяджэнне старшыня камісіі — мітрапаліт Мінскі і Заслаўскі Павел, Патрыяршы Экзарх усяе Беларусі. У пасяджэнні прынялі ўдзел: старшыня Выдавецкага савета Рускай Праваслаўнай Царквы мітрапаліт Калужскі і Бораўскі Клімент, мітрапаліт Запарожскі і Мелітопальскі Лука, мітрапаліт Смаленскі і Дарагабужскі Ісідар, старшыня Сінадальнага аддзела па царкоўнай дабрачыннасці і сацыяльнаму служэнню епіскап Арэхава-Зуеўскі Панцеляіман, іншыя члены Камісіі і запрошаныя эксперты.
Прысутныя разгледзелі праекты агульнацаркоўных дакументаў, прысвечаных праблематыцы нетрадыцыйнай рэлігійнасці і магчымасці прыняцця Хрышчэння з захаваннем нацыянальнага імя.
У завяршэнне члены камісіі абмеркавалі планы і перспектывы працы на найбліжэйшую будучыню.
Фота: «Православное образование»
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
