Пераможцам чарговага міжнароднага грантавага конкурсу «Праваслаўная ініцыятыва» стаў праект Гомельскай епархіі
10 сакавіка 2019
Міжнародны адкрыты грантавы конкурс «Праваслаўная ініцыятыва» праводзіцца з 2005 года. Арганізатарам конкурсу выступае фонд «Соработничество». Галоўная мэта конкурсу — падтрымка грамадзянскай ініцыятывы ў грамадстве, заахвочванне творча актыўных людзей да практычнай стваральнай дзейнасці, накіраванай на карысць блізкага, на захаванне і ўмацаванне культурна-маральных традыцый. Гэтая падтрымка ажыццяўляецца на аснове маштабнага і рознабаковага супрацоўніцтва паміж Царквой, грамадствам, бізнес-структурамі і дзяржавай.
Каардынацыйны камітэт па заахвочванню сацыяльных, адукацыйных, інфармацыйных, культурных і іншых ініцыятываў пад эгідай Рускай Праваслаўнай Царквы пад старшынствам Свяцейшага Патрыярха Маскоўскага і ўсяе Русі Кірыла падвёў вынікі Міжнароднага адкрытага грантавага конкурсу «Праваслаўная ініцыятыва 2018 — 2019». Лаўрэатамі конкурсу былі абвешчаны 255 праектаў з 1250 заяўленых.
Адным з пераможцаў конкурсу стаў праект Гомельскай епархіі «Адзінства дарагой веры», ініцыятарам якога выступіў інфармацыйны аддзел Гомельскай епархіі сумесна з прыходам храма Праабражэння Гасподняга ў горадзе Гомелі. Праект накіраваны на папулярызацыю і ўмацаванне праваслаўных каштоўнасцяў сярод насельніцтва з дапамогай арганізацыі актыўнага жыцця людзей незалежна ад іх фізічных магчымасцяў, іх аб'яднанне ўнутры царкоўнай агароджы.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
