Пошук

Пасол Расійскай Федэрацыі ў Рэспубліцы Беларусь Яўген Лук'янаў наведаў Петра-Паўлаўскі сабор у горадзе Гомелі

28 ліпеня 2021

27 ліпеня 2021 года ў рамках візіту ў горад Гомель Надзвычайны і Паўнамоцны Пасол Расійскай Федэрацыі ў Рэспубліцы Беларусь Яўген Лук'янаў наведаў Петра-Паўлаўскі кафедральны сабор, дзе адбылася сустрэча з архіепіскапам Гомельскім і Жлобінскім Сцяфанам.

Падчас сустрэчы ўладыка азнаёміў дыпламата з праваслаўнымі традыцыямі Гомельшчыны, сацыяльнай і дабрачыннай працай, якая праводзіцца ў епархіі. Затым протаіерэй Аляксандр Лапушанскі правёў для гасцей экскурсію па храмавым комплексе і азнаёміў са святынямі сабора.

У сваю чаргу Яўген Лук'янаў распавёў архіерэю аб расійскіх і беларускіх узаемаадносінах у розных сферах.

У завяршэнне візіту высокія госці падзякавалі ўладыку за аказаны прыём.

Гомельская епархія/Church.by