Пошук

Пасол Расійскай Федэрацыі ў Рэспубліцы Беларусь Яўген Лук'янаў наведаў Свята-Успенскі Жыровіцкі стаўрапігіяльны мужчынскі манастыр

08 ліпеня 2021

7 ліпеня 2021 года Надзвычайны і Паўнамоцны Пасол Расійскай Федэрацыі ў Рэспубліцы Беларусь Яўген Лук'янаў наведаў Свята-Успенскі Жыровіцкі стаўрапігіяльны мужчынскі манастыр.

Расійскага дыпламата суправаджалі генеральны консул Расійскай Федэрацыі ў Брэсце Ігар Канякін, старшыня Гродзенскага абласнога Савета дэпутатаў Ігар Жук і старшыня Слонімскага райвыканкама Генадзь Хоміч. Наведваннем галоўнага духоўнага цэнтра Беларусі заканчваўся рабочы візіт Яўгена Лук'янава ў Гродзенскую вобласць.

Намеснік манастыра архіепіскап Навагрудскі і Слонімскі Гурый распавёў гасцям гісторыю ўзнікнення абіцелі і яўлення цудатворнага Жыровіцкага абраза.

Госці пабывалі ў Свята-Успенскім саборы і пакланіліся іконе Божай Маці «Жыровіцкая».

Падчас візіту пасол Расійскай Федэрацыі ў Рэспубліцы Беларусь і суправаджаючыя яго афіцыйныя асобы ўсклалі кветкі на магілу мітрапаліта Філарэта (Вахрамеева) і агледзелі музейную экспазіцыю, прысвечаную яго памяці.

Навагрудская епархія/Church.by