Пошук

Пастанова пленума Міжсаборнай прысутнасці ад 23-24 студзеня 2017 года

24 студзеня 2017

23-24 студзеня 2017 года ў Маскве адбыўся пленум Міжсаборнай прысутнасці Рускай Праваслаўнай Царквы. Па выніках пасяджэнняў была прынята наступная пастанова:

1. Накіраваць у адпаведныя сінадальныя ўстановы прапановы членаў Пленума Міжсаборнай Прысутнасці, датычных парадку дня сінадальных ведамстваў.
2. З удзячнасцю Богу адзначыць, што дзейнасць Міжсаборнай Прысутнасці адкрыла магчымасць абмяркоўваць важныя царкоўныя і царкоўна-грамадскія тэмы пры ўдзеле паўнаты епіскапата, кліра і міран Рускай Праваслаўнай Царквы.
3. Выказаць удзячнасць Свяцейшаму Патрыярху Маскоўскаму і ўсяе Русі Кірылу за актыўнае кіараўніцтва дзейнасцю Міжсаборнай Прысутнасці і, у прыватнасці, пасяджэннямі пленума Міжсаборнай Прысутнасці.
4. Ухваліць праект Палажэння аб манастырах і манастве Рускай Праваслаўнай Царквы, а таксама праект дакумента «Аб кананічных аспектах царкоўнага шлюбу» з улікам паправак, выказанных членамі пленума Міжсаборнай Прысутнасці і падтрыманых пленумам. Накіраваць указаныя дакументы ў Свяшчэнны Сінод для магчымай перадачы на разгляд Архіерэйскага Сабора.
5. Падтрымаць прапановы Свяцейшага Патрыярха Маскоўскага і ўсяе Русі Кірыла адносна далейшай працы Міжсаборнай Прысутнасці пры рабоце з тэмамі, уключанымі ў іхні парадак дня; неабходна заклапаціцца арганізацыяй шырокага царкоўна-грамадскага абмеркавання гэтых тэм пры дапамозе правядзення канферэнцый, семінараў, адкрытых дыскусій, а таксама разнастайных публікацый у сродках масавай інфармацыі. Важна, каб у гэтую працу былі ўцягнутыя епархіі. Грунтоўнае і, калі гэта неабходна, доўгачасовае абмеркаванне тэм парадку дня Міжсаборнай Прысутнасці дазволіць, у прыватнасці, вызначыць, якія тэмы патрабуюць стварэння праектаў саборных або сінадальных дакументаў.
6. Накіраваць разгледжаныя пленумам прапановы па змяненні структуры камісій Міжсаборнай Прысутнасці на зацвярджэнне Прэзідыума Міжсаборнай Прысутнасці.
7. Прапанаваць на разгляд Прэзідыума Міжсаборнай Прысутнасці тэмы, вылучаныя членамі Пленума Міжсаборнай Прысутнасці для вывучэння ў камісіях

Патриархия.ru / Church.by