Віншаванне Свяцейшага Патрыярха Кірыла з нагоды Дня Незалежнасці Рэспублікі Беларусь
03 ліпеня 2018.jpg)
Свяцейшы Патрыярх Маскоўскі і ўсяе Русі Кірыл накіраваў Прэзідэнту Рэспублікі Беларусь Аляксандру Рыгоравічу Лукашэнку віншаванне з нагоды Дня Незалежнасці Беларусі.
Яго Правасхадзіцельству Аляксандру Рыгоравічу Лукашэнку, Прэзідэнту Рэспублікі Беларусь
Ваша Правасхадзіцельства, глыбокашаноўны Аляксандр Рыгоравіч!
Сардэчна віншую Вас і ўсіх жыхароў Рэспублікі з Днём Незалежнасці.
У народнай свядомасці гэтае свята непарыўна звязана з подзвігам продкаў, якія паказалі бяспрыкладныя мужнасць, доблесць і гераізм пры вызваленні Мінска ад нямецкіх захопнікаў у далёкім 1944 годзе. Стаўшы сімвалам пераемнасці пакаленняў і захавання нацыянальнай гістарычнай памяці, дадзеная ўрачыстасць аб'ядноўвае мільёны грамадзян Беларусі, якія ўносяць свой уклад у стварэнне мірнага і шчаслівага жыцця Айчыны.
Перакананы, што ўмацаванне суверэнітэту і паспяховае развіццё краіны немагчыма ў адрыве ад духоўнай традыцыі народа. Выказваю надзею на працяг канструктыўнага ўзаемадзеяння органаў дзяржаўнай улады з Беларускім Экзархатам, накіраванага на ўмацаванне брацкіх расійска-беларускіх адносін, зацвярджэнне ў грамадстве вечных маральных ідэалаў і каштоўнасцяў.
Жадаю Вам добрага здароўя і шчодрай дапамогі ад Госпада ў Вашым адказным дзяржаўным служэнні, а народу Беларусі — міру і Божага благаславення.
З глыбокай павагай
+КІРЫЛ, ПАТРЫЯРХ МАСКОЎСКІ І ЎСЯЕ РУСІ
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
