Пошук

Прадстаўнік Беларускай Праваслаўнай Царквы прыняў удзел у канферэнцыі, прысвечанай 100-годдзю «Вялікага Выхаду»

27 кастрычніка 2020

26 кастрычніка ў Каміннай зале Выдавецкай рады Рускай Праваслаўнай Царквы (Масква) адбылася Міжнародная канферэнцыя «100-годдзе «Вялікага Выхаду». Прычыны і кошт рэвалюцыйных узрушэнняў у Расіі ХХ стагоддзя».

Арганізатарамі канферэнцыі выступілі Выдавецкая рада Рускай Праваслаўнай Царквы і Камісія Міжсаборнай прысутнасці Рускай Праваслаўнай Царквы па пытаннях грамадскага жыцця, культуры, навукі і інфармацыі. Фармат канферэнцыі прадугледжваў вочна-завочны ўдзел.

Удзел у канферэнцыі прынялі: мітрапаліт Калужскі і Бораўскі Клімент, старшыня Выдавецкай рады Рускай Праваслаўнай Царквы; мітрапаліт Стаўрапольскі і Нявіннамыскі Кірыл, старшыня Сінадальнага камітэта па ўзаемадзеянні з казацтвам; Дзмітрый Валадзіхін, доктар гістарычных навук, памочнік старшыні Выдавецкай рады Рускай Праваслаўнай царквы; Леанід Рашэтнікаў, кандыдат гістарычных навук, загадчык кафедры гісторыі і гістарычнага архівазнаўства Маскоўскага дзяржаўнага інстытута культуры; Вячаслаў Бандарэнка, лаўрэат прэміі імя Ф. М. Дастаеўскага; Аляксандр Музафараў, дырэктар Цэнтра інфармацыйных і сацыялагічных праграм Фонду гістарычнай перспектывы; Вольга Елісеева, кандыдат гістарычных навук, дацэнт Маскоўскага дзяржаўнага інстытута культуры; Сяргей Аруцюнаў, галоўны рэдактар літаратурнага конкурсу «Лета Гасподняе» імя І. С. Шмялёва; Таццяна Ісачэнка, доктар філалагічных навук, галоўны навуковы супрацоўнік сектара вывучэння асабліва каштоўных фондаў Цэнтра па даследаванню праблем развіцця бібліятэк у інфармацыйным таварыстве Расійскай дзяржаўнай бібліятэкі; іераманах Нікадзім (Хмыраў), кандыдат гістарычных навук, кандыдат багаслоўя; Канстанцін Лангуеў, памочнік дырэктара Сормаўскага рэсурснага культурна-асветніцкага цэнтра імя прападобнага Сергія Раданежскага па пытаннях працы з моладдзю, СМІ і друкам; Антон Фокін, юрысконсульт прававога ўпраўлення Маскоўскай Патрыярхіі; свяшчэннік Святаслаў Рагальскі, кандыдат багаслоўя, дацэнт, старшыня праўлення Міжнароднага грамадскага аб'яднання «Хрысціянскі адукацыйны цэнтр імя святых Мяфодзія і Кірыла», член камісіі Міжсаборнай прысутнасці па пытаннях грамадскага жыцця, культуры, навукі і інфармацыі.

Правядзенне канферэнцыі было прымеркавана да 100-годдзя «Вялікага Выхаду» — эвакуацыі з Крыма ў канцы 1920 года каля 160 000 чалавек і наступнай масавай эміграцыі мільёнаў людзей, якія не лічылі магчымым жыць пры новым урадзе.

Камісія Міжсаборнай прысутнасці па пытаннях грамадскага жыцця, культуры, навукі і інфармацыі на працягу некалькіх гадоў распрацоўвае тэму «Духоўныя прычыны рэвалюцыйных узрушэнняў ΧΧ стагоддзя». Важным напрамкам ўнутры гэтай тэмы стала абмеркаванне пытанняў, аб'яднаных агульнай назвай «Царква і гістарычная навука». Дадзеная сустрэча акадэмічных гісторыкаў і гістарычных публіцыстаў мела на мэце разгледзець і абмеркаваць духоўныя перадумовы рэвалюцыйных узрушэнняў.

Хрысціянскі адукацыйны цэнтр / Church.by