Пошук

Протаіерэй Сергій Лепін правёў на факультэце міжнародных адносін БДУ гутарку пра Пасху Хрыстовай

13 сакавіка 2018

13 сакавіка адбылася сустрэча студэнтаў факультэта міжнародных адносін Беларускага дзяржаўнага ўніверсітэта са старшынёй Сінадальнага інфармацыйнага аддзела Беларускай Праваслаўнай Царквы, дацэнтам Мінскай духоўнай акадэміі, доктарам тэалогіі, настаяцель Праабражэнскага храма ў аграгарадку Ракаў Валожынскага раёна, блогерам протаіерэем Сергіем Лепіным.

Айцец Сергій не ўпершыню праводзіць гутаркі са студэнтамі-міжнароднікамі. На гэты раз сустрэча была прысвечана святу Пасхі Гасподняй і падзеі Уваскрасення Хрыстовага. У ходзе размовы са студэнтамі святар закрануў велікодныя традыцыі і асаблівасці прадстаўлення хрысціянскай сімволікі ў розных канфесіях.

На сустрэчы прысутнічалі студэнты 3-га курса спецыяльнасці «Сусветная эканоміка», а таксама 2-га курса спецыяльнасці «Менеджмент у сферы міжнароднага турызму».

Падчас гутаркі студэнты задавалі пытанні, наглядна паказваючы цікавасць моладзі да рэлігійнай тэматыкі.

Сустрэча была арганізавана загадчыкам кафедры англійскай мовы эканамічных спецыяльнасцяў Святланай Аляксееўнай Дубінка і старэйшым выкладчыкам Аляксандрам Вадзімавічам Бабуком.

Запрашэнне прадстаўнікоў духавенства у Беларускі дзяржаўны ўніверсітэт ажыццяўляецца ў рамках праграмы супрацоўніцтва Міністэрства адукацыі Рэспублікі Беларусь і Беларускай Праваслаўнай Царквы на 2015-2020 гады, а таксама ў рамках пагаднення, падпісанага паміж Беларускай Праваслаўнай Царквой і Беларускім дзяржаўным універсітэтам.

Кіраўніцтва факультэта міжнародных адносін БДУ і выкладчыкі кафедры англійскай мовы эканамічных спецыяльнасцяў выказваюць падзяку за прадстаўленую магчымасць гутаркі студэнтаў з айцом Сергіем. У сценах вядучай ВНУ краіны спадзяюцца на далейшае супрацоўніцтва з Беларускай Праваслаўнай Царквой.

Church.by