Пошук

Скаўты дастаўляюць Віфлеемскі агонь у праваслаўныя храмы Беларусі

24 снежня 2018

22 снежня ў мінскім прыходзе іконы Божай Маці «Няўпіўная Чаша» стартавала штогадовая перадкалядная акцыя «Віфлеемскае святло міру». У рамках акцыі ў праваслаўныя храмы Беларусі моладзь з Беларускай рэспубліканскай скаўцкай асацыяцыі дастаўляе агонь з месца нараджэння Спасіцеля — з базілікі Ражджаства Хрыстовага ў Віфлееме.

Агонь перасякае межы многіх краін Еўропы і перадаецца маладымі людзьмі з рук у рукі з пажаданнямі міру, дабра, узаемаразумення і дапамогі Божай у кожнай добрай справе. Акцыя дазваляе адчуць сваё дачыненне да цуду Нараджэння Хрыста сотням і тысячам людзей, якія нясуць часцінку гэтага агню ў свае дамы, дамы інвалідаў, бальніцы, прытулкі.

У прыход іконы Божай Маці «Няўпіўная Чаша» агонь быў дастаўлены скаўтамі з Украіны і ўрачыста перададзены праваслаўным следапытам з Расіі. Ужо ў нядзелю ён быў урачыста сустрэты на Круціцкім Патрыяршым падвор'і ў Маскве, адкуль пачаў сваё ўрачыстае шэсце па рускіх храмах.

— Прыемна ўсведамляць, што, нягледзячы на няпростую сітуацыю ў Украіне, ёсць вечныя каштоўнасці, якія аб'ядноўваюць сэрцы маладых людзей і дазваляюць ім спадзявацца на працяг дружбы і цёплых, адкрытых узаемаадносін, — кажа настаяцель прыхода храма іконы Божай Маці «Няўпіўная Чаша» протаіерэй Дыянісій Пясецкі.

Church.by