Пошук

Адбылася відэаканферэнцыя епархіяльных цэнтраў і грамадскіх арганізацый у абарону жыцця і сям'і

13 мая 2020

Анлайн-канферэнцыя «Стоп СНС»: прафілактыка сямейнага недабрабыту, падтрымка няшчасных сем'яў», арганізаваная Сінадальнай камісіяй Беларускай Праваслаўнай Царквы па пытаннях сям'і, абароны мацярынства і дзяцінства, адбылася 11 мая. У тэленарадзе прынялі ўдзел кіраўнікі і спецыялісты профільных епархіяльных цэнтраў і жыццёахоўных грамадскіх арганізацый.

Мадэратарам канферэнцыі выступіў старшыня камісіі, настаяцель прыхода свяціцеля Мікалая Японскага ў горадзе Мінску протаіерэй Павел Сярдзюк. У якасці эксперта ў нарадзе прыняла ўдзел спецыяліст па сямейным ннедабрабыце, уладкаванні дзяцей-сірот на выхаванне і дзіцяча-бацькоўскіх адносінах Н. С. Паспелава.

У рамках канферэнцыі быў прадстаўлены вопыт працы царкоўных і грамадскіх арганізацый у сферы дапамогі няшчасным сем'ям.

Як адзначыў старшыня Сінадальнай камісіі па пытаннях сям'і протаіерэй Павел Сярдзюк, анлайн-фармат сустрэчы з'яўляецца прадуктыўнай формай працы ў цяперашняй сітуацыі, але захавае сваю актуальнасць у працы камісіі і ў будучыні.

Анлайн-сустрэча «Стоп СНС»: прафілактыка сямейнага недабрабыту, падтрымка няшчасных сем'яў» адбылася напярэдадні відэаканферэнцыі «Сям'я сёння: трансфармацыя ўнутраных і знешніх рэсурсаў»  з удзелам прадстаўнікоў дзяржаўных міністэрстваў і ведамстваў, на якой будуць разгледжаны магчымасці царкоўна-дзяржаўнага супрацоўніцтва ў сферы дапамогі сем'ям у крызіснай сітуацыі.

Pro-life.by / Сhurch.by