Пошук

Адбылася сустрэча кіраўнікоў моладзевых арганізацый і брацтваў Мінскай епархіі

04 сакавіка 2019

28 лютага 2019 года ў Мінскай духоўнай акадэміі адбылася сустрэча кіраўнікоў моладзевых арганізацый і брацтваў Мінскай епархіі.

З прывітальным словам да прысутных звярнуўся протаіерэй Іаан Задарожын, старшыня Сінадальнага аддзела па справах моладзі Беларускай Праваслаўнай Царквы. Ён падкрэсліў важнасць правядзення падобных сустрэч у справе ўключэння моладзі ў царкоўнае жыццё.

Кіраўнікі моладзевых арганізацый і брацтваў распавялі аб сваёй дзейнасці на прыходах і за іх межамі.

У ходзе сустрэчы абмяркоўваліся актуальныя праблемы місіі Царквы сярод моладзі, а таксама планы на бліжэйшую будучыню.

Мерапрыемства завяршылася сумесным чаяваннем. 

Church.by