Пошук

Адбылося адкрыццё ХХІХ Міжнародных адукацыйных чытанняў «Аляксандр Неўскі: Захад і Усход, гістарычная памяць народа»

18 мая 2021

17 мая 2021 года ў канцэртнай зале «Крокус Сіці Хол» у Маскве адбылося ўрачыстае пленарнае пасяджэнне, прысвечанае адкрыццю ХХІХ Міжнародных адукацыйных чытанняў «Аляксандр Неўскі: Захад і Усход, гістарычная памяць народа».

Пленарнае пасяджэнне па благаславенню старшыні чытанняў Свяцейшага Патрыярха Маскоўскага і ўсяе Русі Кірыла ўзначаліў старшыня аргкамітэта чытанняў, старшыня Сінадальнага аддзела рэлігійнай адукацыі і катэхізацыі мітрапаліт Екацярынбургскі і Верхатурскі Яўгеній.

На цырымоніі ў канцэртнай зале «Крокус Сіці Хол» прысутнічалі: намеснік начальніка ўпраўлення Прэзідэнта РФ па грамадскіх праектах А. В. Жураўскі, кіраўнік Федэральнага агенцтва па справах нацыянальнасцяў І.В. Паноў, намеснік старшыні Савета Федэрацыі ФС РФ А. В. Яцкін, намеснік старшыні Дзяржаўнай Думы ФС РФ П. В. Талстой, намеснік міністра асветы РФ Д. Е. Грыбаў, намеснік міністра навукі і вышэйшай адукацыі РФ Н. А. Бачарова, намеснік мэра Масквы ва ўрадзе Масквы па пытаннях рэгіянальнай бяспекі і інфармацыйнай палітыкі А. М. Гарбенка.

У зале знаходзіліся іерархі Рускай Праваслаўнай Царквы — члены Свяшчэннага Сінода і Вышэйшай Царкоўнай Рады, кіраўнікі мітраполій і епархіяльныя архіерэі; прадстаўнікі праваслаўных Памесных Цэркваў, члены Міжрэлігійнай рады Расіі, прадстаўнікі дыпламатычных ведамстваў, кіраўнікі рэгіёнаў, рэктары і прадстаўнікі расійскіх і замежных ВНУ, педагогі, грамадскія і навуковыя дзеячы.

Мітрапаліт Яўгеній вітаў прысутных. Хор і ўдзельнікі чытанняў праспявалі трапар Пасхі, пасля чаго быў паказаны відэазварот Свяцейшага Патрыярха Маскоўскага і ўсяе Русі Кірыла да ўдзельнікаў чытанняў. У відэазвароце Яго Свяцейшасці прагучалі словы, якія раскрываюць найважнейшыя напрамкі царкоўна-грамадскага супрацоўніцтва.

Прывітанне Прэзідэнта Расійскай Федэрацыі У. У. Пуціна абвясціў намеснік начальніка ўпраўлення Прэзідэнта РФ па грамадскіх праектах А. В. Жураўскі.

Прывітанне старшыні Урада РФ М. В. Мішусціна агучыў кіраўнік Федэральнага агенцтва па справах нацыянальнасцяў І. В. Паноў.

Першы намеснік старшыні Савета Федэрацыі ФС РФ А. В. Яцкін абвясціў прывітанне старшыні Савета Федэрацыі ФС РФ В. І. Мацвіенка.

Прывітанне старшыні Дзяржаўнай Думы ФС РФ В. В. Валодзіна зачытаў намеснік старшыні Дзяржаўнай Думы ФС РФ П. В. Талстой.

Прывітанне міністра асветы РФ С. С. Краўцова абвясціў намеснік міністра асветы РФ Д. Е. Грыбаў.

Прывітанне міністра навукі і вышэйшай адукацыі РФ В. Н. Фалькова абвясціла намеснік міністра навукі і вышэйшай адукацыі РФ Н. А. Бачарова.

Намеснік мэра Масквы па пытаннях рэгіянальнай бяспекі і інфармацыйнай палітыкі А. М. Гарбенка абвясціў прывітанне мэра Масквы С. С. Сабяніна.

Па завяршэнні афіцыйнай часткі адбыўся святочны канцэрт.

Трансляцыя пленарнага пасяджэння ажыццяўлялася на тэлеканалах «Саюз» і «Спас», а таксама на партале «Праваслаўная адукацыя» і афіцыйным сайце Калядных чытанняў.

Патрыярхія.ру/Church.by