Пошук

Адбыўся гадавы акт з нагоды 30-годдзя заснавання Мінскай духоўнай акадэміі імя свяціцеля Кірыла Тураўскага

02 лістапада 2026

1 лістапада 2026 года ў актавай зале Мінскай духоўнай акадэміі адбыўся гадавы акт, прысвечаны святкаванню 30-годдзя навучальнай установы. Мерапрыемства ўзначаліў Мітрапаліт Мінскі і Заслаўскі Веніямін, Патрыяршы Экзарх усяе Беларусі.

З прывітальнымі словамі да прысутных звярнуліся намеснік старшыні Вучэбнага камітэта Рускай Праваслаўнай Царквы ігумен Дыянісій (Шлёнаў), рэктар Санкт-Пецярбургскай духоўнай акадэміі епіскап Пецяргофскі Сілуан, рэктар Мінскай духоўнай семінарыі протаіерэй Віктар Васілевіч, а таксама першы сакратар Вучонай рады Мінскай духоўнай акадэміі протаіерэй Аляксандр Балоннікаў.

Урачыстасць наведалі архіерэі Беларускага Экзархату, прадстаўнікі Маскоўскай, Санкт-Пецярбургскай, Стрэчанскай духоўных акадэмій, Казанскай, Валагодскай, Мікола-Уграшскай, Мінскай, Віцебскай духоўных семінарый, Мінскага духоўнага вучылішча, Праваслаўнага Свята-Ціханаўскага гуманітарнага ўніверсітэта і Інстытута тэалогіі БДУ і іншых духоўных школ Рускай Праваслаўнай Царквы.

У гэты дзень у адрас акадэміі паступіла мноства віншаванняў ад розных епархій, духоўных школ і свецкіх ВНУ, а таксама ад сяброў і калег Мінскай духоўнай акадэміі. Прывітальнае слова ад імя Упаўнаважанага па справах рэлігій і нацыянальнасцяў Рэспублікі Беларусь агучыў рэктар Мінскай духоўнай акадэміі архімандрыт Афанасій (Сакалоў).

Затым адбылося ўручэнне дыплома ганаровага доктара Мінскай духоўнай акадэміі (honoris causa) прафесару Уладзіміру Міхайлавічу Кірыліну за ўклад у развіццё багаслоўскай навукі і духоўнай адукацыі.

Дыплом аб прысуджэнні стыпендыі імя мітрапаліта Філарэта (Вахрамеева) уручаны студэнтцы магістратуры Сушко Наталлі Анатольеўне.

З нагоды 30-годдзя Мінскай духоўнай акадэміі Латушка Ірына Пятроўна была ўдастоена медаля свяшчэннамучаніка Уладзіміра Хіраскі; іераманах Андрэй (Васілюк), прарэктар па выхаваўчай рабоце, сакратар Вучонай рады — медаля Вучэбнага камітэта II ступені; Марціновіч Уладзімір Аляксандравіч, загадчык кафедры апалагетыкі, — медаля Вучэбнага камітэта II ступені.

Грамат Вучэбнага камітэта ўдастоены Кодзенеў Максім Аляксеевіч, начальнік вучэбна-метадычнага аддзела; Аўчароў Аляксандр Аляксандравіч, памочнік рэктара і загадчык завочнага аддзялення; протаіерэй Андрэй Волкаў, адказны сакратар Упраўлення спраў Беларускага Экзархату, старшы выкладчык кафедры царкоўнай гісторыі і царкоўна-практычных дысцыплін; іерэй Уладзімір Грыцэвіч, сакратар кафедры біблеістыкі, выкладчык; Семяновіч Марыя Міхайлаўна, галоўны бухгалтар; Сакалова Таццяна Уладзіміраўна, шэф-кухар, загадчыца трапезнай Мінскай духоўнай акадэміі.

Святочны акт завяршыў канцэрт лаўрэата міжнародных конкурсаў і фестываляў — Мінскага мітрапалічага хору пад кіраўніцтвам галоўнага дырыжора і мастацкага кіраўніка Віталя Сабалеўскага.

Трансляцыя вялася на You-Tube каналах Беларускага Экзархату і Мінскай духоўнай акадэміі.

Матэрыялы па тэме:

У праграме «Дакрананне да святла» на тэлеканале СТВ выйшла інтэрвью з рэктарам Мінскай духоўнай акадэміі архімандрытам Афанасіем (Сакаловым)

Мінская духоўная акадэмія / Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok

Фотарэпартаж