Пошук

Стартавала рэспубліканская акцыя «У чаканні Калядных цудаў»

04 снежня 2018

Вось ужо трэці год добраахвотніцкі рух храма іконы Божай Маці «Усецарыца» (Мінск) праводзіць агульнарэспубліканскую акцыю «У чаканні Калядных цудаў». Адрасаты акцыі — дзеці, якія апынуліся ў складанай жыццёвай сітуацыі. Гэта маленькія пацыенты хоспісаў, дзеці з інваліднасцю, сіроты.

У 2016 годзе мінскім добраахвотнікам ўдалося сабраць 603 падарункі для дзяцей. У наступным годзе запаветны лік склаў 1771.

У 2018 годзе акцыя стартавала 28 лістапада, з пачаткам Ражджэственскага посту, і працягнецца да 5 студзеня 2019 года ўключна. Прыняць удзел у акцыі можа кожны. На сайце www.daridobrovolets.by, створаным адмыслова для збору падарункаў, можна выбраць любы падарунак для канкрэтнага дзіцяці або маладога дарослага. Затым — забраніраваць яго і даставіць на добраахвотніцкі склад на будпляцоўцы (г. Мінск, вул. Чыгуначная, раён дома 23). Пункт прыёму падарункаў працуе з 17: 00 да 20:00 па буднях і з 9:00 да 17:00 — па выхадных.  Усім удзельнікам акцыі прадастаўляецца магчымасць прыняць удзел у працэсе віншавання. Падарункі будуць развезены адрасатам на Святках, у перыяд з 7 па 19 студзеня 2019 года.

Дабраволец.by / Church.by