Святар павіншаваў супрацоўнікаў МНС г. Калінкавічы з Днём пажарнай службы
27 ліпеня 2017
26 ліпеня 2017 па благаславенню епіскапа Тураўскага і Мазырскага Леаніда благачынны Калінкавіцкай акругі ігумен Аўксенцій (Абражэй) прыняў удзел у правядзенні ўрачыстага сходу з нагоды святкавання Дня пажарнай службы. Мерапрыемства прайшло ў раённым аддзеле па надзвычайных сітуацыях г. Калінкавічы.
У сваім віншавальным слове ігумен Аўксенцій перш за ўсё выказаў падзяку людзям, якія рызыкуючы сваім жыццём, ратуюць іншых.
Айцец Аўксенцій уручыў намесніку начальніка па ідэалагічнай рабоце і кадраваму забеспячэнню Калінкавіцкага райаддзела па надзвычайных сітуацыях маёру ўнутранай службы Сялюціну Андрэю Уладзіміравічу ікону «Неапалімая купіна» і абраз Спасіцеля.
«Ікона Неапалімая купіна – адзін з самых вядомых цудатворных абразоў Маці Божай, шануемай як абаронцы ад стыхійных бедстваў, асабліва ад пажару. Няхай абраз Божай Маці і выява Спасіцеля будзе знакам благаславення і нябеснага заступніцтва ўсім, хто ў мірны час знаходзіцца на перадавой і дапамагае людзям, якія трапілі ў складаныя абставіны», – адзначыў святар.
У завяршэнне ігумен Аўксенцій акрапіў усіх святой вадой.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
