Упаўнаважаны па справах рэлігій і нацыянальнасцяў Рэспублікі Беларусь Аляксандр Румак наведаў Гомельскую епархію
03 сакавіка 2021
2 сакавіка 2021 года ў Гомельскай епархіі адбылася рабочая сустрэча архіепіскапа Гомельскага і Жлобінскага Сцяфана з Упаўнаважаным па справах рэлігій і нацыянальнасцяў Рэспублікі Беларусь Аляксандрам Румаком. На сустрэчы таксама прысутнічалі епіскап Светлагорскі Амвросій, вікарый Гомельскай епархіі, начальнік Галоўнага ўпраўлення ідэалагічнай работы, культуры і па справах моладзі Гомельскага аблвыканкама Дзяніс Язерскі, начальнік аддзела ідэалагічнай работы і маладзёжнай палітыкі Галоўнага ўпраўлення ідэалагічнай работы, культуры і па справах моладзі Гомельскага аблвыканкама Дзяніс Давыдаў, сакратар Гомельскай епархіі протаіерэй Георгій Алампіеў.
Падчас гутаркі абмяркоўваліся актуальныя пытанні супрацоўніцтва Гомельскай епархіі з органамі дзяржаўнага кіравання.
Па заканчэнні сустрэчы архіепіскап Сцяфан прапанаваў гасцям агледзець музей старадаўніх абразоў і старажытных антымінсаў. Госці таксама наведалі дамавы храм у гонар Сабора ўсіх Беларускіх Святых, які добраўпарадкаваны калекцыяй унікальных абразоў, якія адлюстроўваюць багацце мастацкай, эстэтычнай і духоўнай спадчыны беларускага народа.
Затым у малой зале пасяджэнняў Епархіяльнага ўпраўлення адбылася сустрэча з супрацоўнікамі епархіі. Уладыка Сцяфан азнаёміў гасцей з дзейнасцю епархіяльных аддзелаў, распавёў пра мерапрыемствы і праекты, якія праводзяцца епархіяй. Сустрэча прайшла ў атмасферы ўзаемаразумення і канструктыўнага дыялогу.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
