У аграгарадку Друя прайшоў моладзевы злёт Полацкай епархіі «Таямніцы пры граніцы»
19 ліпеня 2021
16-18 ліпеня 2021 года ў рамках валанцёрскага лагера адбыўся епархіяльны злёт праваслаўнай моладзі Полацкай епархіі.
Ключавым момантам сустрэчы моладзі стала начная Бажэственная літургія ў храме Благавешчання Прасвятой Багародзіцы аграгарадка Друя Браслаўскага благачыння ў дзень памяці святых царскіх страстацерпцаў, якую ў саслужэнні духавенства Полацкай епархіі здзейсніў епіскап Полацкі і Глыбоцкі Ігнацій.
Пасля заамвоннай малітвы Яго Праасвяшчэнства і саслужачыя яму святары здзейснілі малебен святым царскім страстацерпцам.
Далей уладыка Ігнацій звярнуўся да ўдзельнікаў і гасцей моладзевага злёту са словам павучання.
Па заканчэнні Літургіі адбылася сумесная начная трапеза-агапа і канцэрт пад назвай «Горад, якога няма», які падрыхтавалі ўдзельнікі моладзевага злёту.
Пасля канцэрта ўладыка, святары і моладзь да світання гутарылі ля вогнішча.
Праграма валанцёрскага лагера была насычана як рознымі мерапрыемствамі і сустрэчамі з гасцямі, так і працоўнай дзейнасцю. Юнакі і дзяўчаты навялі парадак у храме і на яго тэрыторыі, ачысцілі бераг Дзвіны недалёка ад храма, пабудавалі лесвіцу да берага.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
