Пошук

У аграгарадку Шчорсы Навагрудскага раёна Гродзенскай вобласці прайшоў маладзёжны фестываль «Загавіны»

02 ліпеня 2024

Па благаславенню Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, 29-30 чэрвеня 2024 года ў аграгарадку Шчорсы Навагрудскага раёна Гродзенскай вобласці прайшоў маладзёжны фестываль «Загавіны».

Арганізатарамі фестывалю выступілі Сінадальны аддзел па справах моладзі Беларускай Праваслаўнай Царквы, місіянерскі аддзел Навагрудскай епархіі і прыход храма вялікамучаніка Дзімітрыя Салунскага аграгарадка Шчорсы.

Праца фестывалю пачалася з малебна, які ўзначаліў архіепіскап Навагрудскі і Слонімскі Гурый. Яго Высокапраасвяшчэнству саслужылі сакратар Навагрудскага епархіяльнага ўпраўлення протаіерэй Дзімітрый Сёмуха, старшыня Сінадальнага аддзела па справах моладзі Беларускай Праваслаўнай Царквы іерэй Дзімітрый Баўкуновіч, клірыкі Навагрудскай епархіі і кіраўнікі маладзёжных брацтваў епархій Беларускай Праваслаўнай Царквы. Па заканчэнні набажэнства адбылася гутарка архіпастыра з удзельнікамі моладзевага фестывалю, падчас якога архіепіскап Гурый адказаў на пытанні, якія цікавяць моладзь. Затым былі гульні на знаёмства і экскурсія па пасёлку Шчорсы, якую правёў іерэй Дзімітрый Пачобут, настаяцель мясцовага храма ў гонар святога велікамучаніка Дзімітрыя Салунскага. Цэнтральнай падзеяй злёту стала начная Бажэственная літургія свяціцеля Іаана Залатавуста ў храме велікамучаніка Дзімітрыя Салунскага з народным спевам, на якой удзельнікі прычасціліся Святых Хрыстовых Таін.

Пасля набажэнства ўдзельнікі фестывалю запусцілі нябесныя ліхтарыкі. Далей былі трапеза, нефармальныя зносіны і традыцыйнае выступленне гурта «ДПС Менестрэлі» і ўсіх жадаючых. Завяршылася начное трыванне сустрэчай світанку на беразе ракі Нёман. На другі дзень фестывалю пасля ранішніх малітваў праводзіліся майстар-класы па працы ў медыяпрасторы. Удзельнікі фестывалю набылі новыя навыкі па трох напрамках: у журналістыцы пад кіраўніцтвам шэф-рэдактара, журналіста Выдавецтва «СБ. Беларусь сёння» Хрысціны Скуратовіч, у фатаграфіі – фатографа Веранікі Косцінай; у працы з відэа – відэографа Марыі Чуевай. Веды, атрыманыя падчас экскурсіі, можна было замацаваць падчас праведзенага арганізатарамі гістарычнага квэста. Завяршыўся маладзёжны форум «Загавіны» падзячным малебнам.

novogrud-eparchy.by/Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok

Фотарэпартаж