У Бабруйскай епархіі прайшла канферэнцыя, прысвечаная пытанням узаемадзеяння Беларускай Праваслаўнай Царквы і ўстаноў адукацыі
16 красавіка 2021
14 красавіка 2021 года ў горадзе Бабруйску адбылася педагагічная канферэнцыя, прысвечаная пытанням узаемадзеяння Беларускай Праваслаўнай Царквы і ўстаноў адукацыі ў духоўна-маральным выхаванні падрастаючага пакалення.
Удзельнікамі канферэнцыі сталі больш за 100 педагогаў з горада Бабруйска і раёнаў, якія ўваходзяць у склад Бабруйскай епархіі.
Мерапрыемства прайшло на дзвюх пляцоўках: на базе прыходаў Георгіеўскага і Елісавецінскага храмаў горада Бабруйска.
У Доме праваслаўнай культуры Георгіеўскага храма сабраліся намеснікі дырэктара па выхаваўчай працы, якія абмеркавалі асаблівасці духоўна-маральнага выхавання ў адукацыйным працэсе.
У Елісавецінскім духоўна-асветніцкім цэнтры прайшла сустрэча для педагогаў, якія выкладаюць Асновы праваслаўнай культуры ў школах Бабруйска. Для педагогаў з Бабруйскага, Асіповіцкага, Кіраўскага, Клічаўскага, Глускага, Быхаўскага раёнаў канферэнцыя трансліравалася ў анлайн-фармаце. Удзельнікі сустрэчы разгледзелі розныя аспекты стварэння ўмоў для эфектыўнага правядзення факультатыўных заняткаў рэлігіязнаўчай накіраванасці.
Мерапрыемства прайшло ў рамках праграмы ўзаемадзеяння паміж Галоўным упраўленнем па адукацыі Магілёўскага аблвыканкама з Магілёўскай і Бабруйскай епархіямі БПЦ, а таксама Плана ўзаемадзеяння ўпраўлення па адукацыі Бабруйскага гарвыканкама і Бабруйскай епархіяй БПЦ.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
