Пошук

У царкоўна-археалагічны музей Мінскай духоўнай семінарыі перададзены новыя экспанаты

05 жніўня 2020

Калекцыя экспанатаў царкоўна-археалагічнага музея Мінскай духоўнай семінарыі папоўнілася каштоўнымі экспанатамі, перададзенымі настаяцелем Петра-Паўлаўскага сабора горада Мінска протаіерэем Георгіем Латушкам і благачынным Слонімскай акругі протаіерэем Вадзімам Пятліцкім.

Дзякуючы шчодраму ахвяраванню протаіерэя Георгія Латушкі семінарская музейная калекцыя ўзбагацілася наступнымі экспанатамі:

 

 

 

 

 

 

 

 

 

 

 

Даразахавальніца. Медны сплаў, серабрэнне, эмаль. XIX ст.

 

 

 

 

 

 

 

 

 

Складзень трохстворкавы. Латунь, ліццё, эмаль. XIX ст.

 

 

 

 

 

 

 

 

 

 

 

Абраз Божай Маці. Медны сплаў, ліццё. XIX ст.

Пратаіерэй Вадзім Пятліцкі перадаў музею семінарыі наступныя экспанаты:

 

 

 

 

 

 

 

Два падвесных падсвечніка. Медны сплаў, серабрэнне. XIX ст.

 

 

 

 

 

 

 

 

Калекцыя металапластыкі. XVIII-XIX стст.

Адміністрацыя Мінскай духоўнай семінарыі выказвае шчырую ўдзячнасць протаіерэю Георгію Латушку і протаіерэю Вадзіму Пятліцкаму за неабыякавасць у справе захавання царкоўна-гістарычнай спадчыны і істотны ўклад у развіццё экспазіцыі семінарскага царкоўна-археалагічнага музея.

Даведка: царкоўна-археалагічны музей Мінскай духоўнай семінарыі створаны ў 2014 годзе па ініцыятыве рэктара архіепіскапа Навагрудскага і Слонімскага Гурыя. У цяперашні час музей уключае пяць залаў, прысвечаных гісторыі Мінскай духоўнай семінарыі, гісторыі Жыровіцкага манастыра, царкоўнаму мастацтву XI-XX стагоддзяў, рукапісным і старадрукаваным кнігам XVI-XVIII стагоддзяў, гісторыі духоўнай адукацыі і асветы на беларускіх землях у XIX — першай палове ХХ стагоддзя. Арганізатар музея — дацэнт Аляксандр Валер'евіч Слесараў, у цяперашні час в. а. рэктара семінарыі.

МінДС / Church.by