Пошук

У дзень памяці мучанікаў немаўлят Віфлеемскіх Патрыяршы Экзарх узначаліў Літургію ва Успенскім Жыровіцкім манастыры

11 студзеня 2017

11 студзеня, у дзень памяці пакутнікаў немаўлят, Ірадам ў Віфлееме забітых, мітрапаліт Мінскі і Заслаўскі Павел, Патрыяршы Экзарх усяе Беларусі; архіепіскап Навагрудскі і Слонімскі Гурый і епіскап Лідскі і Смаргонскі Парфірый здзейснілі Бажэственную літургію ў Успенскім саборы Жыровіцкага стаўрапігіяльнага мужчынскага манастыра. 

Архіпастырам саслужылі: кіраўнік спраў Мінскай Экзархіі архімандрыт Сергій (Брыч); сакратар Мінскай епархіі протаіерэй Андрэй Волкаў; брація манастыра і выкладчыкі Мінскай духоўнай семінарыі ў свяшчэнным сане.

Богаслужэбныя спевы выканаў мужчынскі хор пад кіраўніцтвам студэнта 2-га курса Мінскай духоўнай семінарыі Аляксандра Шалыхмана.

Пропаведзь перад Прычасцем прамовіў іераманах Уладзімір (Чаган).

Па заамвонной малітве архіпастыры і саслужачыя ім святары праспявалі слаўленне Ражджаству Хрыстову.

Па адпусце Бажэственнай літургіі са словам віншавання да Патрыяршага Экзарха звярнуўся архіепіскап Навагрудскі і Слонімскі Гурый. Уладыка сардэчна падзякаваў мітрапаліту Паўлу за архіпастырскі візіт і ад імя браціі мясціны і ўсіх навучальнікаў і навучэнцаў Мінскай духоўнай семінарыі паднёс яму святую прасфору і абраз Ражджства Хрыстовага.

Мітрапаліт Павел падзякаваў архіепіскапу Гурыю за словы прывітання, павіншаваў духавенства, брацію манастыра, выхаванцаў Мінскай духоўнай семінарыі з Ражджаством Хрыстовым і звярнуўся да ўсіх са словам павучэння.

Уладыка Экзарх павіншаваў усіх прычаснікаў з прыняццем Святых Хрыстовых Тайн, падаў усім архіпастырскае благаславенне і ўручыў салодкія падарункі дзецям, якія знаходзіліся ў храме. 

Church.by

Фотарэпартаж