У вёсцы Амельна Пухавіцкага раёна асвяцілі паклонны крыж і парк памяці святой праведнай Сафіі Слуцкай

02 красавіка 2021

top.jpg

1 красавіка 2021 года, у дзень памяці святой праведнай Сафіі, княгіні Слуцкай, у кафедральным саборы святога дабравернага князя Аляксандра Неўскага ў горадзе Мар'іна Горка была здзейснена Бажэственная літургія, якую ўзначаліў настаяцель сабора протаіерэй Аляксандр Цалкоў.

Па заканчэнні богаслужэння ў памяць аб святой праведнай Сафіі, княгіні Слуцкай, у вёсцы Амельна Пухавіцкага раёна было здзейснена асвячэнне паклоннага крыжа і парку яе імя.

У маёнтку Амельна ў 1612 годзе святая праведная княгіня Сафія Слуцкая завяршыла свой зямны шлях, сканаўшы падчас трэціх родаў. Дачку, якая нарадзілася, назвалі Кацярынай. Аднак дзяўчынка-немаўля ненашмат перажыла пакутніцу-маці і неўзабаве памерла, не пражыўшы і сутак.

Святая княгіня Сафія Слуцкая была ўшанавана ўжо сярод сваіх сучаснікаў, і адразу пасля яе скону многія людзі сталі звяртацца да яе малітоўнага заступніцтва, атрымліваючы хуткую дапамогу ў сваіх прашэннях.

b0dweU800 (1).jpg

 

 

 

 

 

 

 

 

 

 

 

Борисовская епархия/Church.by