Пошук

У Гомельскай епархіі адбудзецца сустрэча з гісторыкам Аляксандрам Мрамарнавым — вядучым спецыялістам па гісторыі Памеснага сабора 1917-1918 гадоў

29 кастрычніка 2019

5 лістапада ў 14:00 у будынку Гомельскага епархіяльнага ўпраўлення адбудзецца сустрэча з Аляксандрам Ігаравічам Мрамарнавым — кандыдатам гістарычных навук, дацэнтам, спецыялістам па гісторыі Свяшчэннага Сабора Праваслаўнай Рускай Царквы 1917-1918 гадоў.

На лекцыі будзе ісці гаворка пра вывучэнне і выданне саборных дакументаў, пра найбольш актуальныя для сённяшняга царкоўнага жыцця дыскусіі і рашэнні сабора, пра ключавыя асобы Сабора і новыя адкрыцці ў вывучэнні іх біяграфій.

Лектар таксама прэзентуе кнігі аб Саборы 1917-1918 гадоў, апублікаваныя ў выдавецтве «Спаская справа», якое працуе пад яго кіраўніцтвам.

Гомельская епархія / Church.by