Пошук

У горадзе Мінску адбыўся хрэсны ход з нагоды святкавання 800-годдзя з дня нараджэння дабравернага князя Аляксандра Неўскага [+відэа]

30 ліпеня 2021

30 ліпеня 2021 года ў горадзе Мінску з нагоды святкавання 800-годдзя з дня нараджэння дабравернага князя Аляксандра Неўскага адбыўся хрэсны ход з каўчэгам з часцінкай мошчаў святога.

У шэсці ад храма-помніка ў гонар Усіх святых да Свята-Духава кафедральнага сабора горада Мінска прынялі ўдзел святары і вернікі з усіх парафій горада. Маршрут праходзіў праз вуліцу Каліноўскага - праспект Незалежнасці - плошча Свабоды - да вуліцы Кірыла і Мяфодзія.

Перад пачаткам хрэснага ходу мітрапаліт Мінскі і Заслаўскі Веніямін, Патрыяршы Экзарх усяе Беларусі, у саслужэнні духавенства Мінскай епархіі здзейсніў малебен святому дабравернаму вялікаму князю Аляксандру Неўскаму ў храме-помніку ў гонар Усіх святых у горадзе Мінску.

«Цяпер мы сустракаем святыя мошчы дабравернага князя Аляксандра, і з любоўю будзем суправаджаць іх па вуліцах нашага горада, молячыся аб міры і добры стан святых Божых цэркваў, аб міры ў нашай Айчыне, просячы благаславення на наш народ. І сам князь Аляксандр Неўскі, несумненна, будзе ўзначальваць наша шэсце з Прасвятой Уладычыцай Багародзіцай, абразы Якой будуць суправаджаць наш хрэсны ход», – адзначыў, звяртаючыся да ўдзельнікаў хрэснага ходу архипастыр.

«І гэты ўгоднік Божы, несумненна, пачуе нашу малітву і ўзнясе яе да прастола Уседзяржыцеля», – завяршыў Патрыяршы Экзарх.

Завяршыўся хрэсны ход ля Свята-Духава кафедральнага сабора горада Мінска, дзе ў саслужэнні духавенства Мінскай епархіі мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў малебен з чытаннем Акафіста святому дабравернаму вялікаму князю Аляксандру Неўскаму.

Каўчэг з мошчамі дабравернага князя Аляксандра Неўскага прынесены ў горад Мінск раніцай 30 ліпеня і будзе знаходзіцца ў сталіцы Беларусі да вечара 2 жніўня.

Church.by

Фотарэпартаж