Пошук

У горадзе Наваполацку адбылася місіянерская Бажэственная літургія

25 кастрычніка 2021

24 кастрычніка 2021 года, у Нядзелю 18-ю пасля Пяцідзесятніцы, памяці святых айцоў VII Усяленскага Сабора, у храме Нараджэння святога Іаана Прадцечы прыхода храма святога Архангела Міхаіла горада Наваполацка была здзейснена місіянерская Бажэственная літургія.

Асаблівасць такога набажэнства заключаецца ў падрабязным тлумачэнні падчас службы прыхаджанам сэнсу свяшчэннадзеянняў і богаслужэбных тэкстаў. Перад кожным асабліва значным момантам Літургіі здзяйсняецца паўза, і святар у простай і даходлівай форме тлумачыць сэнс і духоўнае значэнне падзеі.

Кіраўнік місіянерскага аддзела Полацкай епархіі дыякан Ціхан Антух падчас набажэнства выкладаў ход Бажэственная літургіі, робячы акцэнт на тым, што такое праскамідыя, екценні, антыфоны, блажэнны, хто такія аглашэнныя, што сімвалізуе сабой малы і вялікі ўваход, што ўключае ў сябе Сімвал веры, а таксама Еўхарыстычны канон.

Па завяршэнні богаслужэння настаяцель прыхода протаіерэй Аляксандр Шаховіч прамовіў пропаведзь і павіншаваў прычаснікаў з прыняццем Святых Хрыстовых Тайн.

Полацкая епархія/Church.by