Напярэдадні дня памяці прападобнага Сергія Раданежскага мітрапаліт Павел здзейсніў усяночнае трыванне ў Пакроўскім акадэмічным храме Троіца-Сергіевай лаўры
08 кастрычніка 2019
7 кастрычніка 2019 года, напярэдадні дня спачыну прападобнага Сергія, ігумена Раданежскага, усяе Расіі цудатворца, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў усяночнае трыванне ў Пакроўскім акадэмічным храме Троіца-Сергіевай лаўры.
У гэты вечар усяночнае трыванне ў Троіцкім саборы абіцелі ўзначаліў Свяцейшы Патрыярх Маскоўскі і ўсяе Русі Кірыл. Архіерэйскія богаслужэнні адбыліся і ў іншых храмах лаўры. Усяночнае трыванне ва Успенскім саборы абіцелі ўзначаліў Блажэннейшы мітрапаліт Кіеўскі і ўсяе Украіны Ануфрый, у Сергіеўскім трапезным храме — Патрыяршы намеснік Маскоўскай епархіі мітрапаліт Круціцкі і Каломенскі Ювеналій, у Духаўскім храме — старшыня Аддзела знешніх царкоўных сувязяў Маскоўскага Патрыярхату мітрапаліт Валакаламскі Іларыён, у храме прападобнага Іаана Лесвічніка — кіраўнік Сярэднеазіяцкай мітрапалічай акругі мітрапаліт Ташкенцкі і Узбекістанскі Вікенцій, у Чарнігаўскім скіце — мітрапаліт Пензенскі і Ніжнеламоўскі Серафім.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
