Напярэдадні свята Благавешчання Прасвятой Багародзіцы Патрыяршы Экзарх усяе Беларусі здзейсніў усяночнае трыванне ў аднайменным храме горада Віцебска
07 красавіка 2021
6 красавіка 2021 года, напярэдадні свята Благавешчання Прасвятой Багародзіцы мітрапаліт Мінскі і Заслаўскі Веніямін, Патрыяршы Экзарх усяе Беларусі, у саслужэнні архіепіскапа Віцебскага і Аршанскага Дзімітрыя, здзейсніў усяночнае трыванне ў аднайменным храме горада Віцебска.
Архіпастырам саслужылі: сакратар Віцебскага епархіяльнага ўпраўлення протаіерэй Уладзімір Разановіч; першы прарэктар Віцебскай духоўнай семінарыі протаіерэй Канстанцін Ізафатаў; благачынны Петрапаўлаўскай акругі абласнога цэнтра протаіерэй Тарасій Сідарэк; клірыкі храма протаіерэй Ігар Машкей; протаіерэй Валерый Шчука; іерэй Георгій Савончык; клірык храма святога апостала Андрэя Першазванага горада Віцебска іерэй Уладзімір Дагодзька.
Дыяканскі чын узначаліў протадыякан Уладзімір Назараў.
Богаслужэбныя спевы выканалі хор храма пад кіраўніцтвам Веры Бондар і хор студэнтаў Віцебскай духоўнай семінарыі пад кіраваннем студэнта 3-га курса Мікіты Дэйнекі.
У завяршэнне богаслужэння архіпастыры павіншавалі духавенства і прыхаджан з прастольным святам.
Затым архіепіскап Віцебскі і Аршанскі Дзімітрый паднёс у дар Патрыяршаму Экзарху на малітоўную памяць абраз святога дабравернага вялікага князя Аляксандра Неўскага.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
