Напярэдадні свята святых апосталаў Пятра і Паўла мітрапаліт Веніямін здзейсніў усяночнае трыванне ў Петра-Паўлаўскім саборы горада Мінска
11 ліпеня 2021
11 ліпеня 2021 года, напярэдадні дня памяці святых слаўных і ўсехвальных першавярхоўных апосталаў Пятра і Паўла, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў усяночнае трыванне ў Петра-Паўлаўскім саборы горада Мінска.
Яго Высокапраасвяшчэнству саслужылі: настаяцель Петра-Паўлаўскага сабора протаіерэй Георгій Латушка, благачынны 1-й Мінскай гарадской акругі, старшыня Камісіі па разбору праблем на прыходах; протаіерэй Сергій Кузьмянкоў, настаяцель прыхода храма Нараджэння Прасвятой Багародзіцы ў вёсцы Тарасава Мінскага раёна, старшыня Сінадальнага аддзела Беларускай Праваслаўнай Царквы па ўзаемадзеянню з Узброенымі Сіламі і іншымі воінскімі фарміраваннямі Рэспублікі Беларусь; сакратар Мінскай епархіі протаіерэй Андрэй Волкаў і клірыкі Петра-Паўлаўскага сабора.
Дыяканскі чын узначаліў протадыякан Уладзімір Назараў.
Богаслужэбныя спевы выканаў маладзёжны хор сабора пад кіраўніцтвам Юліі Міхалевіч.
Па завяршэнні богаслужэння настаяцель Петра-Паўлаўскага сабора протаіерэй Георгій Латушка падзякаваў уладыку Веніяміну за яго апостальскае служэнне.
Затым архіпастыр звярнуўся да духавенства і прыхаджан са словам настаўлення.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
