У Лідзе адбыўся матч па міні-футболе паміж праваслаўнымі і каталікамі
02 красавіка 2019
1 красавіка 2019 года на базе спарткомплексу «Алімпія» горада Ліды адбыўся таварыскі матч па міні-футболе паміж камандай Ваўкавыскага благачыння Гродзенскай епархіі Беларускай Праваслаўнай Царквы і камандай духавенства Гродзенскай епархіі Рымска-Каталіцкай Царквы (удзельніка чэмпіянату Еўропы ад Беларусі сярод каталіцкага духавенства).
Перад матчам прадстаўнікі каманд абмяняліся прывітаннямі і добрымі пажаданнямі, падкрэсліўшы значэнне Вялікага посту як гаючага часу для душы чалавечай. Своеасаблівым дэвізам турніру сталі словы апостала Паўла: хіба не ведаеце, што вы — храм Божы, і Дух Божы жыве ў вас? (1 Кар. 3:16).
Па завяршэнні сустрэчы гульцы каманд падзякавалі адзін аднаму за насычаную гульню.
Каманда Ваўкавыскага благачыння выказвае ўдзячнасць духавенству Гродзенскай епархіі Рымска-Каталіцкай Царквы за запрашэнне і цёплы прыём.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
