У Мінску пройдуць Чацвёртыя Беларускія Калядныя чытанні «Моладзь: свабода і адказнасць»

09 лістапада 2018

top.jpg

Па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, 29-30 лістапада 2018 года пройдуць чацвёртыя Беларускія Калядныя чытанні «Моладзь: свабода і адказнасць».

Чытанні арганізуе Беларуская Праваслаўная Царква пры падтрымцы Міністэрства культуры Рэспублікі Беларусь, Міністэрства аховы здароўя Рэспублікі Беларусь, Міністэрства адукацыі Рэспублікі Беларусь, Міністэрства працы і сацыяльнай абароны Рэспублікі Беларусь, Нацыянальнай акадэміі навук Беларусі.

У цэнтры ўвагі чытанняў - моладзь: свабода і адказнасць у сучасным свеце, актуальныя праблемы духоўна-маральнага выхавання і захавання культурнай спадчыны.

Да ўдзелу ў чытаннях запрашаюцца святары, прадстаўнікі органаў улады, дзеячы культуры, навуковыя работнікі, прадстаўнікі сілавых структур, кіраўнікі і выкладчыкі ўстаноў адукацыі, медыцынскія і сацыяльныя работнікі, выкладчыкі нядзельных школ, студэнты, прадстаўнікі іншых напрамкаў дзейнасці.

Урачыстае адкрыццё Чацвёртых Беларускіх Калядных чытанняў адбудзецца 29 лістапада 2018 года ў Нацыянальнай бібліятэцы Беларусі па адрасе: г. Мінск, пр-т Незалежнасці, 116. Пачатак у 11: 00.

Секцыйныя пасяджэнні пройдуць 30 лістапада 2018 года ў вышэйшых навучальных установах горада Мінска.

Праграма чытанняў прадугледжвае працу па наступных напрамках:

  • Царква і моладзь. Моладзь: свабода і адказнасць
  • Гісторыя Праваслаўя на тэрыторыі Беларусі
  • Навамучанікі і вызнаўцы зямлі Беларускай
  • Царква і культура. Традыцыя і дыялог
  • Узаемадзеянне Царквы з дзяржаўнымі і грамадскімі інстытутамі
  • Педагагічны кірунак: «Духоўнасць, маральнасць, традыцыі»
  • Рэлігійная адукацыя і катэхізацыя ў Беларускай Праваслаўнай Царкве
  • Студэнцкая секцыя
  • Сацыяльнае служэнне Царквы
  • Адраджэнне хрысціянскіх сямейных каштоўнасцяў
  • Манастыры і манаства
  • III мінскія казачыя Калядныя адукацыйныя чытанні

У рабоце форуму прадугледжана вялікая творчая праграма.

Выдаткі на ўдзел у чытаннях (праезд, харчаванне, пражыванне) за кошт накіроўваючага боку.

Заяўкі на ўдзел і матэрыялы дакладаў прымаюцца да 19 лістапада 2018 года па электроннай пошце: metkabinet@tut.by (тэма: Калядныя чытання). Кожнае адпраўленне павінна ўтрымліваць прымацаваныя файлы: заяўка (Петров_И_К_заявка.doc), даклад (Петров_И_К_доклад.doc).

Кантактныя тэлефоны: +375293039763; +375298708441; +375293449980; +375297511575; +375291314577.

Church.by