У Мінску прайшоў моладзевы вечар «Вялікую радасць абвяшчаю вам»
28 лістапада 2017
26 лістапада 2017 года ў саборным доме Мінскага Свята-Духава кафедральнага сабора адбыўся музычны творчы вечар для маладых людзей «Вялікую радасць абвяшчаю вам».
Вечар, які стаў ужо добрай традыцыяй, праводзіцца напярэдадні Ражджэственскага посту.
Сярод гасцей былі сябры брацтваў і моладзевых груп з прыходаў Мінскай епархіі. Колькасць маладых удзельнікаў мерапрыемства склала 100 чалавек.
Праграма творчага вечара пачалася з богаслужэння ў храме свяціцеля Кірыла, епіскапа Тураўскага, які ўзначаліў духаўнік брацтва ў гонар святых бяссрэбранікаў і цудатворцаў Касмы і Даміяна Рымскіх іерэй Дзімітрый Нецвятаеў, клірык Мінскага Свята-Духава кафедральнага сабора. Па заканчэнні богаслужэння айцец Дзімітрый звярнуўся да маладых людзей са словамі духоўнага настаўлення ў пярэдадзень Ражджэственскага посту.
Праграма вечарыны складалася з трох секцый: лекцыйнай, музычнай і танцавальнай. Протаіерэй Ігар Латушка, клірык Свята-Духава кафедральнага сабора і старэйшы духаўнік Мінскай епархіі, распавёў пра пост і яго ролю ў жыцці сучаснага праваслаўнага хрысціяніна.
На музычнай секцыі выступілі прадстаўнікі брацтваў-удзельнікаў са сваімі арыгінальнымі музычнымі і тэатралізаванымі нумарамі.
Для ўсіх удзельнікаў сіламі прыхода Мінскага Свята-Духава кафедральнага сабора і саборнага брацтва ў імя бяссрэбранікаў Касмы і Даміяна была прыгатавана трапеза.
Затым прафесійныя танцоры з клуба «Мара» далі маладым людзям урок танца.
На працягу ўсяго вечара ў зале панавала прыязная і цёплая атмасфера.
Маладыя людзі выказалі пажаданне праводзіць падобныя сустрэчы рэгулярна.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
