Пошук

У Мінскай духоўнай акадэміі прайшла Міжнародная канферэнцыя «Духоўныя каштоўнасці ўсходнеславянскага свету»

12 снежня 2019

10 снежня 2019 года на базе Мінскай духоўнай акадэміі прайшла міжнародная навуковая канферэнцыя «Духоўныя каштоўнасці ўсходнеславянскага свету», арганізаваная ў рамках правядзення Дзён духоўнай культуры Расіі ў Рэспубліцы Беларусь.

Арганізатарамі мерапрыемства выступілі Міністэрства культуры Расійскай Федэрацыі, Аддзел знешніх царкоўных сувязяў Маскоўскага Патрыярхату і Мінская духоўная акадэмія.

У працы канферэнцыі прыняла ўдзел трэці сакратар пасольства Расійскай Федэрацыі ў Рэспубліцы Беларусь М. А. Данец, якая звярнулася з прывітальным словам да ўдзельнікаў і арганізатараў форуму.

Праграма канферэнцыі ўключала выступленні наступных дакладчыкаў:

• Архімандрыт Сергій (Акімаў), рэктар Мінскай духоўнай акадэміі (Мінск, Беларусь), прафесар Агульнацаркоўнай аспірантуры і дактарантуры (Масква, Расія), доктар багаслоўя. Тэма даклада: «Мінская духоўная акадэмія ў навукова-адукацыйнай прасторы Рускай Праваслаўнай Царквы».
• Ігумен Арсень (Сакалоў), прадстаўнік Патрыярха Маскоўскага і ўсяе Русі пры Патрыярху Антыяхійскім і ўсяго Усходу (Дамаск, Сірыя), прафесар Агульнацаркоўнай аспірантуры і дактарантуры (Масква, Расія), доктар багаслоўя. Тэма даклада: «Аб хрысціянскім пакліканні Расіі, Беларусі і Еўропы».
• Протаіерэй Леў Сямёнаў, выкладчык кафедры тэалогіі Маскоўскага дзяржаўнага лінгвістычнага ўніверсітэта (Масква, Расія), кандыдат гістарычны навук. Тэма даклада: «Міжрэлігійнае ўзаемадзеянне як фактар умацавання міжнацыянальнага міру і згоды».
• Марціновіч Уладзімір Аляксандравіч, загадчык кафедры апалагетыкі Мінскай духоўнай акадэміі, старшыня Сінадальнага цэнтра сектазнаўства Беларускай Праваслаўнай Царквы (Мінск, Беларусь), доктар тэалогіі, кандыдат сацыялагічных навук. Тэма даклада: «Кабінет сектазнаўства Мінскай духоўнай акадэміі».
• Протаіерэй Сергій Забеліч, выкладчык Маскоўскай духоўнай акадэміі (Сергіеў Пасад, Расія). Тэма даклада: «Расія і Беларусь — адзіная прастора».
• Гронскі Аляксандр Дзмітрыевіч, сакратар Вучонага савета Мінскай духоўнай акадэміі (Мінск, Беларусь), вядучы навуковы супрацоўнік сектара Беларусі, Малдовы і Украіны ІСЭМА імя Я. М. Прымакова РАН (Масква, Расія), кандыдат гістарычных навук. Тэма даклада: «Агульныя духоўныя каштоўнасці як фактар існавання грамадства».
• Слесараў Аляксандр Валер'евіч, прарэктар па навуковай рабоце Мінскай духоўнай акадэміі (Мінск, Беларусь), кандыдат багаслоўя. Тэма даклада: «Ідэйныя перадумовы разрыву царкоўнага адзінства ўсходнеславянскага свету ў ХХ — пач. ХXI ст.».

Мадэратарам канферэнцыі выступіў прарэктар па навуковай рабоце Мінскіх духоўных акадэміі і семінарыі А. В. Слесараў.

У працы канферэнцыі прынялі ўдзел выкладчыкі, аспіранты, магістранты і студэнты Мінскай духоўнай акадэміі, Мінскай духоўнай семінарыі, Віцебскай духоўнай семінарыі, Інстытута тэалогіі Беларускага дзяржаўнага ўніверсітэта, а таксама прадстаўнікі адміністрацыі Мінскага гарадскога інстытута развіцця адукацыі.

МінДА / Church.by