У Мінскай духоўнай акадэміі адбудзецца Міжнародная навукова-практычная канферэнцыя «Соцыум і хрысціянства»
27 студзеня 2021
У Мінскай духоўнай акадэміі з 29 па 31 студзеня 2021 года пройдзе V Міжнародная навукова-практычная канферэнцыя «Соцыум і хрысціянства».
Арганізатарамі канферэнцыі выступаюць кафедра апалагетыкі Мінскай духоўнай акадэміі, кафедра міжнароднай палітэканоміі эканамічнага факультэта Беларускага дзяржаўнага ўніверсітэта, Інстытут тэалогіі БДУ, Еўрапейская даследчая асацыяцыя «Oikonomos», грамадскае дабрачыннае аб'яднанне «Цэнтр падтрымкі сям'і і мацярынства «Матуля».
Удзельнікі канферэнцыі разгледзяць пытанні развіцця эканамічных інстытутаў і асаблівасці сацыяльнай рыначнай гаспадаркі, абмяркуюць спецыфіку хрысціянскага стаўлення да пытанняў аховы здароўя, адукацыі, сацыяльнага служэння. На канферэнцыі таксама будуць закрануты такія тэмы як хрысціянскае разуменне маральнасці і права, развіццё хрысціянскай культуры, хрысціянскае разуменне дзяржавы, нетрадыцыйная рэлігійнасць у сучасным свеце.
Частка секцый канферэнцыі будзе праходзіць у фармаце анлайн, праца астатніх секцый будзе арганізавана на базе Мінскай духоўнай акадэміі.
Падрабязная праграма Міжнароднай навукова-практычнай канферэнцыі «Соцыум і хрысціянства» апублікавана на сайце Мінскай духоўнай акадэміі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
