У Мінскай духоўнай акадэміі адбылася штогадовая Міжнародная навуковая канферэнцыя

27 лістапада 2019

top.jpg

26 лістапада 2019 года ў Мінскай духоўнай акадэміі адбылася IV Міжнародная навуковая канферэнцыя «Царкоўная навука ў пачатку трэцяга тысячагоддзя: актуальныя праблемы і перспектывы развіцця».

Названы форум з'яўляецца адным з важнейшых навуковых мерапрыемстваў, якія штогод арганізуюцца ў Мінскай духоўнай акадэміі.

Працу канферэнцыі адкрыў прарэктар па навуковай рабоце Мінскіх духоўных акадэміі і семінарыі А. В. Слесараў. У сваім звароце да прысутных ён распавёў аб парадку правядзення мерапрыемства і прадставіў апублікаваны ў выдавецтве акадэміі зборнік матэрыялаў канферэнцыі мінулага года.

Далей рэктар акадэміі архімандрыт Сергій (Акімаў) выступіў з дакладам «Гісторыя і сучасны стан тэалагічнай адукацыі ў Рэспубліцы Беларусь».

Навуковы супрацоўнік Цэнтра гісторыі багаслоўя і багаслоўскай адукацыі Праваслаўнага Свята-Ціханаўскага гуманітарнага ўніверсітэта (Масква) святар Аляксей Чорны прадставіў паведамленне на тэму «Свяціцель Інакенцій (Смірноў) Пензенскі як пастаролаг».

У завяршэнне пленарнага пасяджэння прагучаў даклад выкладчыка Праваслаўнага Свята-Ціханаўскага гуманітарнага ўніверсітэта Я. В. Ярошава «Рыторыка крызісу рэлігіі ў нямецкім багаслоўі свяшчэнства на матэрыяле работ Бенедыкта XVI (Ёзэфа Ратцынгера)».

Пасля агульнага фота ў акадэмічным храме праца канферэнцыі прайшла ў секцыях «Актуальныя праблемы сучаснай біблеістыкі і багаслоўя», «Актуальныя праблемы сучаснай царкоўна-гістарычнай навукі», «Актуальныя праблемы сучаснага рэлігіязнаўства», «Актуальныя праблемы царкоўна-практычных дысцыплін». Праца тэматычных секцый праводзілася пад кіраўніцтвам выкладчыкаў Мінскай духоўнай акадэміі.

У рамках канферэнцыі прагучала 47 дакладаў, прадстаўленых выкладчыкамі, аспірантамі, магістрантамі і студэнтамі духоўных і свецкіх навучальных устаноў Рэспублікі Беларусь і блізкага замежжа.

Па выніках канферэнцыі Выдавецтва Мінскай духоўнай акадэміі плануе выпусціць зборнік матэрыялаў.

МінДА / Church.by