Пошук

У Мінскай духоўнай семінарыі прайшла пленэрная практыка для навучэнцаў мастацкага каледжа імя Глебава

18 чэрвеня 2018

З 8 па 14 чэрвеня 2018 года ў сценах Мінскай духоўнай семінарыі была арганізавана пленэрная практыка і заняткі па іканапісе для навучэнцаў 1-2-х курсаў спецыяльнасці «Жывапіс» УА «Мінскі дзяржаўны мастацкі каледж імя А. К. Глебава».

На працягу ўсяго часу навучэнцы пражывалі ў адпаведнасці з раскладам, устаноўленым духоўнай школай. Працоўны графік студэнтаў складаўся з дзвюх частак, першая палова дня была прысвечана выкананню вучэбнай праграмы, патрабаванні якой уваходзілі такія заданні як:

— Малюнкі і замалёўкі элементаў храмавай архітэктуры: выгляд храма, храмавы комплекс;

— Малюнкі і накіды архітэктурных фрагментаў;

— Эцюд нескладанага пейзажу з увядзеннем храмавай архітэктуры ў розных станах;

— Эцюд нацюрморта храмавага начыння;

— Кампазіцыйны эскіз храмавага пейзажу на аснове назіранняў і замалёвак.

Другая палова дня была цалкам прысвечана заняткам па іканапісе. Навучэнцы вывучалі:

— Багаслоўе кананічнай іконы;

— Правілы пабудовы малюнка і кампазіцыі іконы;

— Тэхналогію работы натуральнымі пігментамі на яечнай эмульсіі;

— Тэхналогію залачэння.

Нядзельны дзень навучэнцы каледжа прысвяцілі малітве за Бажэственнай літургіяй ў семінарскім Трохсвяціцельскім храме. Пасля літургіі навучэнцы пагутарылі са студэнтамі МінДС у нефармальнай абстаноўцы — падчас чаявання на прыродзе. Госці цікавіліся правіламі паступлення ў МінДС, арганізацыяй навучальнага і вольнага часу семінарыстаў, іх выбарам жыццёвага шляху і пакліканнем да святарства. Таксама падымаліся пытанні, звязаныя са светапоглядам веруючага чалавека.

Нядзельная сустрэча скончылася сумесным выкананнем народных песень.

МінДС / Church.by