Навігатар: Навіны / Анонсы / Епархіі

У Мінскай духоўнай семінарыі адбудзецца XVIII Семінар студэнтаў ВНУ Беларусі

06 лістапада 2019

top.jpg

13-14 снежня 2019 года Мінская духоўная семінарыя правядзе XVIII Семінар студэнтаў вышэйшых навучальных устаноў Беларусі «Праваслаўе і цывілізацыйны выбар Беларусі» (да 180-годдзя Полацкага сабора 1839 года).

Сёлета Семінар студэнтаў вышэйшых навучальных устаноў Беларусі будзе арыентаваны на асэнсаванне ролі Праваслаўя ў вызначэнні вектара цывілізацыйнага развіцця беларускай дзяржавы і грамадства. Выбар тэматыкі форуму абумоўлены тым, што рашэннем Сінода Беларускай Праваслаўнай Царквы 2019 год аб'яўлены юбілейным з нагоды 180-годдзя вяртання беларуска-літоўскіх уніятаў да праваслаўнага вызнання, які адбыўся на падставе рашэнняў Полацкага сабора 1839 года.

Праблемнае поле канферэнцыі:

  1. Праваслаўная Царква ў гісторыі Беларусі
  2. Праваслаўныя духоўныя каштоўнасці ў культуры Беларусі
  3. Уплыў хрысціянства на фарміраванне традыцый царкоўна-дзяржаўных адносін
  4. Хрысціянскія каштоўнасці ў сучаснай еўрапейскай культуры
  5. Хрысціянскія каштоўнасці і філасофія
  6. Хрысціянскія каштоўнасці і псіхалогія
  7. Хрысціянскія каштоўнасці і сучасная педагогіка
  8. Хрысціянскія каштоўнасці і літаратура
  9. Хрысціянскія каштоўнасці і мастацтва.

Правядзенне канферэнцыі плануецца 13-14 снежня 2019 года на базе Мінскай духоўнай семінарыі. Да ўдзелу ў канферэнцыі запрашаюцца студэнты вышэйшых свецкіх і духоўных навучальных устаноў, магістранты і аспіранты.

Месца правядзення: Беларусь, 231833, Гродзенская вобл., Слонімскі р-н, г.п. Жыровічы, вул. Саборная, 55. Мінская духоўная семінарыя.

Пражыванне і харчаванне забяспечвае прымаючы бок. Праезд — за кошт накіроўваючага боку.

Рабочыя мовы канферэнцыі: беларуская і руская.

Форма ўдзелу: вочная.

Сёлета адбор заявак на ўдзел у форуме прымаецца на конкурснай аснове пасля азнаямлення з высланымі на адрас аргкамітэта тэзісамі дакладаў. Да ўдзелу ў канферэнцыі запрашаюцца толькі тыя, хто выступае з дакладамі. Даклад можа быць прадстаўлены толькі адным дакладчыкам.

Заяўкі ўдзельнікаў і тэзісы дакладаў прымаюцца да 2 снежня 2019 года з дапамогай запаўнення электроннай формы:

https://docs.google.com/forms/d/e/1FAIpQLSfLSR0M-jTdJ7aymdmZCsu1fU2TyHY7CHbXOfncO5n9EaQZsA/viewform

Таксама заяўку можна накіраваць па электронным адрасе: conference-minds@yandex.ru.

Заяўка ўдзельніка:

Прозвішча, імя, імя па бацьку без скарачэнняў

Назва арганізацыі (без скарачэнняў, паводле статута)

Статус (студэнт, магістрант, аспірант)

Назва даклада

Паштовы адрас, кантактныя тэлефоны

Адрас e-mail (абавязкова ўказваць).

Па факце атрымання заяўкі аргкамітэт накіроўвае пацверджанне. Пасля разгляду тэзісаў даклада аргкамітэт паведамляе заяўніку аб уключэнні ў праграму канферэнцыі.

Тэл. для даведак: +375 33 904 56 91 (святар Мікалай Савіцкі).

Патрабаванні да афармлення тэзісаў

МінДС / Church.by