У Мінскай духоўнай семінарыі адбылася сустрэча студэнтаў з праваслаўнай моладдзю з ЗША

06 чэрвеня 2019

top.jpg

3-4 чэрвеня 2019 года па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, група праваслаўнай моладзі з ЗША на чале з намеснікам старшыні Сінадальнага аддзела па працы з моладдзю Рускай Праваслаўнай Царквы замежжам протаіерэем Андрэем Сомерам пабывала ў Мінскай духоўнай семінарыі.

Суправаджаў амерыканскіх гасцей старшыня Сінадальнага аддзела па справах моладзі Беларускай Праваслаўнай царквы протаіерэй Іаан Задарожын.

У рамках сяброўскага візіту для заакіянскіх гасцей была арганізавана экскурсія па Жыровіцкім Успенскім мужчынскім манастыры і Мінскай духоўнай семінарыі. Адбылася сустрэча са студэнтамі МінДС.

Для маладых людзей, якія ўпершыню пабывалі ў Жыровічах, былі арганізаваны забаўляльныя мерапрыемствы: катанне на катамаранах па семінарскай сажалцы, экскурсія ў манастырскі заасад, паход на святую крыніцу, паездка ў старажытны Архістратыга-Міхайлаўскі храм у вёсцы Сынкавічы.

У дар семінарскаму Трохсвяціцельскага храма протаіерэй Андрэй Сомер перадаў абраз прападобнамучаніц Лізаветы і Варвары з часцінкамі іх святых мошчаў.

Сустракаў дэлегацыю па благаславенню рэктара Мінскай духоўнай семінарыі архіепіскапа Навагрудскага і Слонімскага Гурыя першы прарэктар протаіерэй Андрэй Цыгель.

МінДС / Church.by