Пошук

У Мінскай духоўнай семінарыі завяршыў работу Летні багаслоўскі інстытут

10 ліпеня 2019

З 1 ліпеня па 6 ліпеня 2019 года па благаславенню рэктара Мінскай духоўнай семінарыі архіепіскапа Навагрудскага і Слонімскага Гурыя на базе семінарыі праходзілі заняткі Летняга багаслоўскага інстытута. Заняткі былі арыентаваны на студэнтаў, выпускнікоў і выкладчыкаў вышэйшых і сярэдніх навучальных устаноў, а таксама на ўсіх жадаючых павысіць узровень сваіх ведаў у галіне багаслоўскіх і рэлігіязнаўчых дысцыплін. Сёлета ўдзельнікамі інстытута сталі 70 чалавек.

Праграма інстытута ўключала ў сябе інтэнсіўны курс лекцый, якія праводзілі выкладчыкі Мінскай духоўнай семінарыі:

1. Багаслоўе Новага Запавету — іераманах Яўстафій (Халіманкоў).

Тэма: Пакаянне ў Новым Запавеце.

2. Багаслоўе Старога Запавету — протаіерэй Віталь Антонік.

Тэма: Месіянскія спадзяванні Старазапаветнай Царквы.

3. Асновы хрысціянскага веравучэння — протаіерэй Віктар Васілевіч.

Тэма: Дагматычныя і маральныя аспекты Адкрытага Закону Божага.

4. Сучаснае багаслоўе — іерэй Іаан Канановіч.

Тэма: Асаблівасці духоўнага жыцця ў іншаслаўі.

5. Дагматычнае багаслоўе — іерэй Яўген Саланкоў.

Тэма: Хрысціянская сатэрыялогія.

6. Гісторыя Царквы — протаіерэй Аляксандр Раманчук.

Тэма: Гістарычны шлях Беларускага Праваслаўя ў святле урокаў Полацкага аб'яднальнага Сабору 1839 года.

7. Расколазнаўства — Слесараў Аляксандр Валер'евіч.

Тэма: Украінскі царкоўны раскол: гісторыя і сучасны стан.

8. Кананічнае права — протадыякан Генадзь Малееў.

Тэма: Сучасныя тэндэнцыі ў шлюбным праве Рускай Праваслаўнай Царквы ў святле традыцыйнага курсу кананічнага права.

9. Асновы хрысціянскай маральнасці — протадыякан Генадзь Малееў.

Тэма: Стаўленне хрысціяніна да сябе. Агульныя і прыватныя абавязкі.

10. Свяшчэннае Пісанне Старога Запавету — протадыякан Генадзь Малееў.

Тэма: Прычыны падзелу яўрэйскага царства пасля цара Саламона.

11. Святаайцоўская аскетыка — іерэй Аляксандр Палхоўскі.

Тэма: Святаайцоўская аскетыка па творах Усходніх айцоў IV стагоддзя.

12. Гісторыя царкоўных спеваў — протадыякан Андрэй Скробат.

Тэма: Значэнне царкоўных спеваў у праваслаўным богаслужэнні.

13. Гісторыя праваслаўнага богаслужэння — протадыякан Андрэй Скробат.

Тэма: Чынапаследаванне і ідэйны змест Бажэственнай Літургіі і ўсяночнага трывання.

14. Іконазнаўства — Раеўская Вольга Анатольеўна.

Тэма: Сэнс і змест праваслаўнай іконы.

Акрамя лекцыйнай нагрузкі, праграма інстытута прадугледжвала правядзенне экскурсій (Жыровіцкі манастыр, Мінская духоўная семінарыя, Георгіеўскі храм), гутаркі на духоўна-маральныя тэмы і нефармальныя зносіны. Работа Летняга багаслоўскага інстытута завяршылася 6 ліпеня здзяйсненнем падзячнага малебна, пасля якога ў актавай зале МінДС усім слухачам былі ўручаны сертыфікаты. Таксама адбыўся міні-канцэрт з выступленнем студэнтаў семінарыі і слухачоў інстытута.

МінДС / Church.by