Пошук

У Магілёўскай епархіі аб'яўлены літаратурны конкурс да свята Уваскрасення Хрыстова «Велікодная радасць»

21 сакавіка 2021

У Магілёўскай епархіі аб'яўлены літаратурны конкурс да свята Уваскрасення Хрыстова «Велікодная радасць».

Да ўдзелу ў конкурсе запрашаюцца маладыя аўтары ва ўзросце ад 14 да 25 гадоў, якія пражываюць на тэрыторыі Магілёўскай вобласці.

Арганізатарамі конкурсу выступаюць Магілёўская епархія Беларускай Праваслаўнай Царквы, Магілёўскае аддзяленне Саюза пісьменнікаў Беларусі, Магілёўскі дзяржаўны ўніверсітэт імя А. А. Куляшова.

Работы прымаюцца ў намінацыях «Паэзія» і «Малая проза».

Тэматыка прадстаўленых літаратурных работ павінна быць звязана са святам Вялікадня. Гэта могуць быць вершы і проза на праваслаўную тэматыку, якія ахопліваюць евангельскую тэму Крыжовага шляху і Уваскрасення Хрыста, а таксама вершы і проза, якія адлюстроўваюць дух Пасхі як свята.

Па выніках конкурсу адбудзецца фінальнае ўрачыстае мерапрыемства з удзелам магілёўскіх пісьменнікаў і прадстаўнікоў Магілёўскай епархіі.

Лепшыя работы будуць апублікаваны на літаратурных старонках абласных СМІ.

Па выніках конкурсу плануецца выданне электроннага зборніка лепшых твораў, які будзе размешчаны на інтэрнэт-платформах з магчымасцю адкрытага доступу чытачоў.

Конкурсныя працы прымаюцца да 15 красавіка 2021 года. Пераможцы будуць вызначаны да 1 мая 2021 года.

Падрабязныя ўмовы ўдзелу ў конкурсе размешчаны на сайце Магілёўскай епархіі.

Магілёўская епархія / Church.by